Oiarpeko sei pilotari aukeratu dituzte GRAVN txapelketa jokatzeko
Gipuzkoako taldean lehiatuko dira; oraingoz bi partida galdu dituzte, bata frontoian eta bestea trinketean Gipuzkoarekin GRAVN txapelketa sonatua jokatzeko aukeratu dituzte Oiarpeko sei pilotari. Bat frontoirako, eta beste bost trinketerako. Pasa den a...
Gipuzkoako taldean lehiatuko dira; oraingoz bi partida galdu dituzte, bata frontoian eta bestea trinketean
Gipuzkoarekin GRAVN txapelketa sonatua jokatzeko aukeratu dituzte Oiarpeko sei pilotari. Bat frontoirako, eta beste bost trinketerako.
Pasa den asteburuan jokatu zituzten lehen partidak. Ander Imazek frontoian jokatu zuen Nafarroaren kontra, eta ez zuen garaipena lortzerik izan (Imazek eta Labakak 9-22 galdu zuten Nafarroako bikotearen kontra).
Andoni Ugaldek ere parte hartu du lehian, trinketean, eta horrek ere ezin izan dio Gipuzkoari garaipenik eman (Ugalde-Lizasok gutxigatik galdu zuten: 38-40 Nafarroaren aurka).
Albiste onak ere badira. Gipuzkoako Haur Mailako Txapelketan hurrengo kanporaketara pasatzea lortu dute Imanol Ugaldek eta Aritz Leonetek.
Udaberri Txapelketa bihar
Bihar arratsean, Udaberri Txapelketaren barnean, Senior Mailako partida ikusteko aukera izango dute pilota zaleek Madalensoro pilotalekuan.
