Errepublikarrei egindako presio ekonomikoa ikusgai
Bihar Zine Txiroan aztertuko duten gaia frankismo garaian errepublikarrek jasandako errepresio ekonomikoa izango da. Hilabetero moduan, Mikelazulo kultur elkarteak zinemari tarte bat egingo dio, eta oraingoan, Patxi Egilazek zuzendutako lana proiektatu...
Bihar Zine Txiroan aztertuko duten gaia frankismo garaian errepublikarrek jasandako errepresio ekonomikoa izango da. Hilabetero moduan, Mikelazulo kultur elkarteak zinemari tarte bat egingo dio, eta oraingoan, Patxi Egilazek zuzendutako lana proiektatuko dute: Nos quitaron todo. Una historia de campesinos y ladrones. Emanaldia 19:30ean hasiko da Mikelazulon.
36ko gerrak “dena kendu” zienei ahotsa emango die dokumentalak: lurrak, animaliak, dendetako generoa, altzariak…
Batik bat lurrak izan ziren errepublikarrek galdu zituztenak, herritarren %70 baitzen nekazaria. Horrekin batera, baserri gehienen jabe ziren horiek, baina hori frogatzeko dokumentuak kendu zizkietenez, askok ez zuten errekuperatzeko aukerarik izan.
Lehen eskuko testigantzak
Panorama hori islatuko du filmak, baina ez bakarrik baserritarrek sufritzen zutena, baita herrietako dendariek ere. Lehen eskuko testigantzak jasoko ditu.
Euskaraz eta gaztelaniaz egindako dokumentalak 85 minutu irauten du, eta Eguzki Bideoak-Ertzeko filmak ekoiztutakoa da, 2010. urtean.
Emanaldiaren ostean, Patxi Egilaz zuzendariarekin solasteko aukera izango da. Entzuleek egindako galderei erantzuna ematen saiatuko da.
