Garaipenetik puntu bakarrera gelditu da Hondarribia-Irun
Gironako taldea garaitzeko puntu bakarrera gelditu ziren etxeko neskak larunbatean, Katalunian jokatu zuten partidan. Hirugarren sailkatuaren etxean jokatu zuen Hondarribia-Irunek, eta berez irabazteko zaila zen partida poltsikoratzeko pausu batera gel...
Gironako taldea garaitzeko puntu bakarrera gelditu ziren etxeko neskak larunbatean, Katalunian jokatu zuten partidan. Hirugarren sailkatuaren etxean jokatu zuen Hondarribia-Irunek, eta berez irabazteko zaila zen partida poltsikoratzeko pausu batera gelditu zen (80-79).
Azken segundoetan egin zuten Gironakoek partida erabakita utzi zuen saskiraketa. Kolpe latza izan zen hori berdeentzat. Hala ere, hain arerio zailaren kontra azken uneraino partida borrokatzea balentria izan da Anne Peñaren taldearentzat.
Etzi, Hondartzan
Larunbateko porrota atzean utzi, eta helburu berrien bila lanean hasi da Hondarribia-Irun. Entrenamendu saioa egin zuten atzo arratsaldean, izan ere, hiru egun besterik ez dituzte etziko norgehiagoka prestatzeko.
Caja Rural Tintos de Toro taldearen bisita jasoko dute etzi arratsean, 20:00etatik aurrera.
