Herri baratzen egitasmoan izena emateko epea ireki dute
Otsailaren 15ean aurkeztu zuten Lezon herri baratzeak egiteko egitasmoa. Gezalan egin zuten bilerara 50 lagun inguru agertu ziren eta udalak nabarmendu du “egitasmoak oso harrera ona” izan duela. Baratze bat eduki nahi duten lezoarrek martx...
Otsailaren 15ean aurkeztu zuten Lezon herri baratzeak egiteko egitasmoa. Gezalan egin zuten bilerara 50 lagun inguru agertu ziren eta udalak nabarmendu du “egitasmoak oso harrera ona” izan duela. Baratze bat eduki nahi duten lezoarrek martxoaren 1etik 22ra arteko epea dute egitasmoan izena emateko.
Udaletxeko erregistroan (8:00–13:30) eman behar da izena. Ordutegi horretatik kanpo, izena emateko orria udaletxeko sarrerako postontzian utz daiteke, edo hurrengo helbide elektronikora bidali: ingurugi.lezo@udal.gipuzkoa.net.
Herri Baratzeen egitasmoaren bitartez, udalak lurrak egokituko ditu lezoarrek baratzea edukitzeko aukera izateko. Hain zuzen ere, San Pedro auzoan dagoen lur zati bat baliatuko dute ekimen hori aurrera eramateko.
