‘Irudi kutxa, Hitz kutxa’ izanen da asteartean
15 eta 30 urte bitarteko gazteei zuzenduta, ekimen berritzailea abiatuko dute asteartean Hendaian. Izan ere, Irudi kutxa, Hitz kutxa ekimena martxan jarri du gazteek haien iritzia eman dezaten. Hala, “Euskal Herrian daramazun bizitza, zure etorki...
15 eta 30 urte bitarteko gazteei zuzenduta, ekimen berritzailea abiatuko dute asteartean Hendaian. Izan ere, Irudi kutxa, Hitz kutxa ekimena martxan jarri du gazteek haien iritzia eman dezaten. Hala, “Euskal Herrian daramazun bizitza, zure etorkizuna, zalantzak, nahiak…” adierazteko kutxa izanen da.
Gutunak, frantsesez, euskaraz ala gazteleraz egin dezakete interesatuek. Kutxa, Gazte Informazio Bulegoaren aitzinean kokatuko da, asteartean 14:30etik 18:30era.
Gazteria Misioak-en eskutik
Euskal Herriko Garapen Kontseiluko Gazteria Misioak abiatu du ekimena, eta horren xedea da, “gazteek beren lurraldearen garapenean parte har dezaten, lurralde hau ezagutaraziz eta haiei laguntza emanez”.
Baionako Hiri-barneko Bizitza Herritarraren Etxeko (MVC) gazte talde batek eraiki du Irudi kutxa, Hitz kutxa. Argazkiak ateratzeko tresna automatikoen antzekoa da, eta bertaratzen direnak kutxara sartu ahal izango dira.
