
Action Painting deritzon tailerra antolatu du Bekoz Beko elkarteak. Martxoaren 10ean eta 17an egingo dute marrazketa mota horren tailerraren saioak, Kexaldin elkartean (Antxo). Helduei eta haurrei zuzenduta dago. Interesa duenak 679 33 24 11 (Izaskun) ...

Joseba Agudo abokatua datorren asteazkenean (hilaren 22a) Audientzia Nazionalean epaituko dute eta horren aurrean Agudoren “absoluzioa eta epaiketa politiko guztien amaiera” eskatu du Eleak mugimenduak. Epaiketaren egun berean, elkarretaratzera deitu du mugimenduak. Niessenen izango da, 20:00etan. “Eta zergatik epaituko dute? Hain zuzen ere, bere lana, abokatu lana, duintasunez betetzeagatik”, azaldu du Arantxa Urbe Eleak-eko kideak. Villenako (Alacant, Herrialde Katalanak) espetxean dagoen preso oreretarrak zortzi urtez Latinoamerikako, Afrikako eta Europako hainbat herrialdetan lan egin zuen euskal deportatu eta errefuxiatuen defentsan. “Bere atxiloketa erabat mediatikoa izan zen, komunikabideek atxiloketaren berri eman zuten hura gertatu baino ordu asko lehenago”, esan du Urbek. Agudoren kasuan oinarrizko eskubideak urratu direla salatu dute: “Pertsona orok eskubidea du bere burua defendatzeko eta konfiantzazko abokatua izateko. Abokatu orok, era berean, pertsonak askatasun osoz defendatzeko eskubidea du. Beraz, argi dago oinarrizko bi eskubide horiek urratu direla”. “Gehiegikeriak hauek ezin dira ulertu” Eleak mugimenduaren esanetan, “Euskal Herriaren aurkako gehiegikeria hauek ezin dira ulertu egun bizi dugun egoera berrian. Benetako bake eszenatoki eta irtenbide demokratikorako urratsak eman nahi ditugu legez kanpo uztearen ondorioz egun kartzelan edota auzi-bidean dauden ehunka pertsonekin batera, eta epaitegietatik datozkigun hainbat erabaki, bide horren aurkako logikan kokatuta daude”. Hori horrela, eskubide guztien aldeko “harresia” beharrezkotzat jo dute. [...]

Pasa den asteburuan atsedena egokitu zitzaion Saskilagunaken helduen taldeari, eta asteburu honetan ez dago saskibaloi jardunaldirik. Hala, Saskilagunakeko hiru taldeek ez dute partidarik. Helduek Alde Zaharraren kontra jokatuko dute hurrengoan, eta ga...

Herriko bi ikastetxeek ospatu dituzte inauteriak. Elizalden atzo inauteri tailerrak egin zituzten. Eta gaur, goizean ospatu dute festa handia. 10:·30ean desfilea egin dute eskola inguruan, eta 11:00etan Madalensoron elkartu dira ikasleak, irakasleak eta gurasoak. Ekitaldi koloretsua egin dute. Arratsaldea lasaiagoa izan dute aurten. Ikasleak tutoreekin egon dira ikasgeletan. Haurtzaron, goizean desfilea egin dute eta torradak jan dituzte. Arratsaldean egin dute ekitaldi nagusia, anfiteatroan. Ikasleek euren ikuskizunak eskaini dizkiete ikusleei, eta baita guraso taldeak ere. Ikastetxeetako ekitaldiak bukatuta, asteburuan herriko tabernen txanda izango da. Dagoeneko mozorrotuta daude. Horrez gain, biharko kale ekintzan ere ospatuko dituzte inauteriak haurrek. Gazte Foruak kontzertuak antolatu ditu, eta Abaraxka Udal Ludotekako bazkideek astelehenean egingo dute inauteri festa.

Atsedena izan zuten pasa den asteburuan Bigarren Mailako neskek, eta asteburu honetan Gasteizko Aurreraren kontra jokatuko dute. Bihar dute partida, 16:30ean, Gasteizko Olaranbe zelaian. Bi taldeek partida bat gutxiago jokatu dute denboraldi honetan, d...

Datorren asteazkenean bilera egingo dute Erdialdeko bizilagunek, 19:00etan. Azaroaren 15ean udalarekin izandako batzarra aztertuko dute, eta bizilagun bakoitzak bere proiektu, ideia eta arazoak aurkezteko aukera izango du. Eskaerei eta galderei ere egingo diete tartea.

Ereintzak Aranga BM Soriaren kontra jokatuko du bihar. 19:30ean hasiko da partida, Galtzarabordako kiroldegian. Errenteriako eskubaloi taldeko jokalariak bigarren dira sailkapenean, 28 punturekin, liderretik puntu bakarrera. Aranga taldea, berriz, laug...

Ohorezko Erregional Mailako Oiartzunek Urolaren kontrako norgehiagoka du bihar, 16:00etan, Zumarragako Argixao zelaian. Urolarrak oiartzuarrak baino sei postu beherako daude sailkapenean (oiartzuarrak bosgarren, eta Urolakoak hamaikagarren). Bi taldeek...

Etorkinei zuzenduta antolatzen duten Aisa euskara ikasteko ikastaroan izena emateko epea zabalik dagoela jakinarazi du Errenteriako Udalak. 16 urtetik gorako etorkinek izena eman dezakete Udaleko Euskara Departamenduak Eusko Jaurlaritzaren laguntzare...

Bihar arratsaldeko lauetatik aurrera, berdintasunerako bigarren tailerra eskainiko du Neus Albertosek Emeki elkartean. Tailerrak hilabetean behin egingo dituzte eta bertaratzeko gonbitea luzatu dute, tailerrera hurbiltzen direnen iritzi eta gomendioak ...

Herriko konpartsek herriko kaleak alaitu dituzte. Lau talde atera dira: yeyeak, euskal girokoak, kabaret estilokoak eta Veneziako inauterietakoak. Bakoitzak bere ekarpena egin dio herriko inauteriei hamarnaka eta hamarnaka ikusleren aurrean. Bihar ere...

Urteroko bilera egingo du bihar Yola elkarteak, 11:ooetan. Bilera horretan eginkizunen banaketa egingo dute; hori dela eta, ahalik eta bazkide gehien joateko eskatu dute.

Egoiliar txartela berritu nahi duten Portuko zein Alde Zaharreko bizilagunek aukera dute dagoeneko. Horretarako, BAZ Biztanleriaren Arreta Zerbitzura jo behar da ordainagiriarekin (postaz bidaliko zaie bizilagunei ordaindu beharrekoa). 2011ko egoiliar txartela hilaren 24a arte balioko du. Biztanleriaren Arreta Zerbitzua astelehenetik ostiralera 09:00etatik 13:30era eta 16:00etatik 18:00etara egongo da zabalik, eta larunbatetan 10:00etatik 13:30era. Portuko txartelarekin San Pedro, Zuloaga, Santiago, Almirante Alonso kaleetan, Bidasoa ibilbidea, Arrantzale auzoan eta Bentako aparkalekuan utz daiteke ibilgailua. Alde Zaharrekoarekin, berriz, Uria Harresian, General Leiban eta Bordari zein San Nikolas kaleetan. Hondartzarako txartelik ez Aurten ez dute hondartzarako eta inguruko guneetarako egoiliar txartelik egingo, “Eusko Jaurlaritzako Portu Sailak eremu hura erabiltzeko administrazio emakida berritu arte”, Hondarribiko Udalak adierazi moduan. Horren eraginez, hondartzako egoiliar txartela zutenek, ez dute Bentako aparkalekuan murrizketarik izango.

Urtarrileko udalbatzarrean PSE-EEk atez atekoa baztertzeko mozioa aurkeztu zuen, eta EAJ eta PPren botoekin atera zen aurrera. Ildo horretatik, Oreretako Eguzki talde ekologistak hondakinen kudeaketari buruzko gizarte eztabaidari ez diola “inolak...

Errenteriako Ingurumen Sailak idatzi bat bidali du Gipuzkoako Foru Aldundira bilera bat eskatzeko. Bertan, ingurumeneko beste hainbat gairen artean, eskaera nagusi bat egingo dio aldundiari: Añarbeko erreserba eremuaren sorrera gehiago ez atzeratzeko. Jose Manuel Ferradas Ingurumen zinegotziak garrantzitsutzat jo du eremu hori babestea, klima erregulatzeko, ur horniketarako eta inguruko bioaniztasuna zaintzeko “ezinbesteko gune naturala” delako. Ferradasek gogorarazi du 1.700 hektarea dituela inguruak, eta Gipuzkoa eta Bizkaiko harizti handiena daukala. Hori ez da, baina, eskaera bakarra izango: Listorretako atseden lekuan inbertsioak egiteko galdegingo dio Julian Unanue Mendi eta Natura Ingurunearen zuzendari nagusiari. Inbertsio horiek baso naturaletan (harizti eta pagadiak), ibaietan, larreetan, Aiako Harriko Natur Parkea eta Kontserbazio Gune Bereziaren erabilera publikoan ere egiteko eskatuko dio. Baso eta ibaietan, inbertsioak Inbertsio hori, hala nola, harizti eta pagadien eta ibai eta erreken egoera ona mantentzeko basolanetara bideratzea da Ferradasen proposamena. Horrez gain, anfibioentzako bi hezegune eraikitzeko ere eskatuko du. Ehiza eta larreetako plana egiteko ere proposatuko du Ingurumen zinegotziak. Ehizarekin lotuta, ezkutuko ehizaren, distantzien eta legez kanpoko ehiza postuen kontrola areagotzea da asmoa. Larreei dagokionez, berriz, Aldura, Pertsele, Otsarte eta Malbazar inguruan larreak sortzeko lanak egitea (askaren bat, itxiturak, garbiketak…), eta legez kanpoko abeltzainen kontrola areagotzea. Añarbeko erreserba gunearen gaineko komunikazio kanpaina ere [...]

Jose Luis Ansorenak jasoko du Eusko Ikaskuntzak ematen duen Manuel Lekuona Saria. Andra Mari Abesbatzak argitaratzen duen AMA Berripapera boletinaren bosgarren zenbakian eman dute horren berri, eta jakinarazi dutenez, udaberrian emango diote saria Anso...

Hirugarren Mailako DPO Baobab taldeak atsedena du asteburu honetan. Bestalde, Azpeitikoren kontra jokatuko du Oiartzunek, bihar 16:45ean, Azpeitian dagoen izen bereko kiroldegian. Power Rangersek Ceramicas Nogales izango du gaur aurrean, 20:30ean, Elor...

2011n zehar jaunartzea egin zuten eta ezkondu zirenen artean Foto Valentin argazkilaritza dendak zozketa egiten du urtero San Balentin egunean. Aurten, Aroa Peñak irabazi du jaunartzetako saria. Horri esker, estudio sesioa dohainik atera zaio. Ezkontz...