Joseba Agudo: “Erbesteratuei laguntza ematea izan da nire delitu bakarra”
Atzo epaitu zuten Madrilgo Espainiako Auzitegi Nazionalean Joseba Agudo abokatu oreretarra. Bere burua errugabetzat jo zuen, eta gezurtatu egin zuen ETAko kide izatea. “Deserriratuei eta erbesteratuei eta euren familiei laguntza ematea izan da ni...
Atzo epaitu zuten Madrilgo Espainiako Auzitegi Nazionalean Joseba Agudo abokatu oreretarra. Bere burua errugabetzat jo zuen, eta gezurtatu egin zuen ETAko kide izatea. “Deserriratuei eta erbesteratuei eta euren familiei laguntza ematea izan da nire delitu bakarra”, adierazi zuen.
Ildo horretatik, bezero dituenen —asko deserriratuak eta erbesteratuak— atzetik ibiltzeari uzteko eskatu zuen abokatuak, eta haiek etxera bueltatzeko prozedurarako mekanismoak martxan jar ditzatela.
Agudoz gain, perituek ere deklaratu zuten, eta “errefuxiatuen eta ETAko zuzendaritzaren artean zubi lanak” egitea egotzi zioten. Delitu hori bera leporatzen dio Luis Barroso fiskalak ere, eta bederatzi urteko espetxe zigorra eskatu du Agudorentzat.
