2012rako ekintzak aurkeztu ditu Niessen elkarteak
Niessen elkarteak urtean zehar egingo dituen ekintzak aurkeztu ditu. Lehenengoa II. Mus Txapelketa izango da, martxoaren 5etik 30era. Gainontzeko ekitaldi nagusiei dagokienez, apirilean dagoeneko sendotu den III. Odolki Astea egingo dute, 11, 12 eta 13...
Niessen elkarteak urtean zehar egingo dituen ekintzak aurkeztu ditu. Lehenengoa II. Mus Txapelketa izango da, martxoaren 5etik 30era.
Gainontzeko ekitaldi nagusiei dagokienez, apirilean dagoeneko sendotu den III. Odolki Astea egingo dute, 11, 12 eta 13an. Apirilaren 28rako, berriz, XXIV. Sagardo Eguna antolatu dute.
Maiatza eta ekainean ere beste bi ekintza nagusi izango dituzte, biak bigarren urtez egingo dituztenak: Otxote topaketa eta Egoki Festa. Lehenengoa maiatzaren 27an izango da, eta bigarrena, berriz, ekainaren 10ean. Kirol egokitua eta ohikoa uztartzea du xede Egoki Festak.
Herriko jaietan ohi bezala, Pil-pil erako bakailao lehiaketa eta toka txapelketa egingo dituzte, 23.enez eta 24.enez, hurrenez hurren.
Ekimen berria
Aurten ekimen berri bat estreinatuko du elkarteak: I. Niessen Elkartea Bolo Jaurtiketa Txapelketa. Joko horren bidez, antolatzaileek garai bateko bolo jokoa berreskuratu nahi dute
