1.173.423 euro itzuli behar ditu Hondarribiko Udalak
Gipuzkoako Foru Aldundia, atzo, Lurraldeko Udalekin bildu zen Udal Finantzaketaren Foru Funtsa aztertu eta ordaintzeko aukera ezberdinak proposatzeko, beti ere 2011. urteko likidazioari begira. Bertara, Hondarribiko Udala ordezkatzeko alkateordea eta Ogasuneko zinegotzia den Juan Mari Altuna joan zen, eta adierazi duenez, “etsituta dagoela ikusita zein norabide hartu duen bilerak udal ikuspuntutik. Biltzar izaera izan du bilerak, erabakia aurretik hartuta zegoelarik, eta esan da Udalek 2012 urtean diru guztia itzuli behar dugula”. Kopuruei dagokienez, Hondarribiko Udalak denetara 1.173.423 euro itzuli behar ditu. Lehen erdia, 556.768 euro, otsailaren 25 aurretik ordaindu behar du,eta beste erdia, hiru herenetan zatitu dute, bakoitza 192.340 eurokoa, hain zuzen maiatzaren 25ean, abuztuaren 25ean eta azaroaren 25ean ordaindu beharrekoak. “Esan digute bankuekin kredituak emateko bideak kudeatzen ari direla, dirua itzuli ezin duten Udaletarako; alegia, zorrak itzultzeko zor handiagoetan sartzea. Konponbideak proposatzeko edo negoziatzeko bide bat exijitzen dugu. Foru Arauaren arabera Aldundiak Finantzetako Lurralde Batzorderako deia egin behar du, eta BILDUk ez du hala egin. Itxoin behar dugu, baina ez goaz ondo”, esan du Altunak. “Uste genuen BILDU ulerkorragoa izango zela udalen egoeraren aurrean, harrituta gaude Gipuzkoako BILDUko Alkateen isiltasunarekin; badirudi gehienek azken proposamena onartzen dutela. Ezker abertzaleak historikoki udalerrien aldeko jarrera izan dute, eta esan dute erabat beharrezkoak [...]
Gipuzkoako Foru Aldundia, atzo, Lurraldeko Udalekin bildu zen Udal Finantzaketaren Foru Funtsa aztertu eta ordaintzeko aukera ezberdinak proposatzeko, beti ere 2011. urteko likidazioari begira. Bertara, Hondarribiko Udala ordezkatzeko alkateordea eta Ogasuneko zinegotzia den Juan Mari Altuna joan zen, eta adierazi duenez, “etsituta dagoela ikusita zein norabide hartu duen bilerak udal ikuspuntutik. Biltzar izaera izan du bilerak, erabakia aurretik hartuta zegoelarik, eta esan da Udalek 2012 urtean diru guztia itzuli behar dugula”.
Kopuruei dagokienez, Hondarribiko Udalak denetara 1.173.423 euro itzuli behar ditu. Lehen erdia, 556.768 euro, otsailaren 25 aurretik ordaindu behar du,eta beste erdia, hiru herenetan zatitu dute, bakoitza 192.340 eurokoa, hain zuzen maiatzaren 25ean, abuztuaren 25ean eta azaroaren 25ean ordaindu beharrekoak.
“Esan digute bankuekin kredituak emateko bideak kudeatzen ari direla, dirua itzuli ezin duten Udaletarako; alegia, zorrak itzultzeko zor handiagoetan sartzea. Konponbideak proposatzeko edo negoziatzeko bide bat exijitzen dugu. Foru Arauaren arabera Aldundiak Finantzetako Lurralde Batzorderako deia egin behar du, eta BILDUk ez du hala egin. Itxoin behar dugu, baina ez goaz ondo”, esan du Altunak.
“Uste genuen BILDU ulerkorragoa izango zela udalen egoeraren aurrean, harrituta gaude Gipuzkoako BILDUko Alkateen isiltasunarekin; badirudi gehienek azken proposamena onartzen dutela. Ezker abertzaleak historikoki udalerrien aldeko jarrera izan dute, eta esan dute erabat beharrezkoak zirela. Orain, Udal proposamen honek ez du oinon erantzunik topatzen: teoria praktika bihurtu behar denean, gauzak asko aldatzen dira. 2009an EAJak oso erantzun egokia eman zion orain proposatzen zaigun bezalako arazo bati”, gehitu du Altunak.
Bukatzeko, Hondarribiko Udalak ordaintzea tokatzen zaion kopurua aurretik gordeta dauka, “aurrekontuak eta eguneroko gestioa egiten dugunean, zuhurtziaren erizpidean oinarritzen gara eta. Zuhur jokatzea izan da beti gure bidea, eta hortik jarraituko dugu kudeatzen” bukatu du Altunak.
