2012/1

Irun dastatzeko gonbidapenarekin Fitur martxan jarri dute

Irungo eskaintza gastronomikoa nazioartean jakitera emateko helburuarekin, Irun Dastatu ekimena Madrilgo nazioarteko turismoaren azokan (FITUR) parte hartzen ari da egunotan. Hala, irudian ikusi daitekeen Inaxio Muguruza Atalaia jatetxeko sukaldariaz g...

admin

2012ko ‘Haur bat, zuhaitz bat’ ekimena abiatu dute

Irungo Udalak aurtengo Haur bat, zuhaitz bat ekimena antolatu duela jakinarazi zuen atzo. Irunen 2011. urtean jaiotako haur guztien gurasoei zuzenduta dago ekimena. Aurten, berritasun batekin dator gainera, ez baita orain arte bezala San Martzialeko ze...

admin

Ahuntza talde bat aske dabil Aiako Harrian

Aiako Harria Parke Naturaleko zuzendaritzak atzo jakinarazi zuenez, ahuntza talde bat aske dago gune babestuaren barruan. Gipuzkoako Erabilgarritasun Publikoko Mendien araudian, zein Aiako Harrikoan ere, ahuntzak ibiltzea debekatua dago. Beraz, udalak ...

admin

Elkartasun keinua

Iazko azaroan egindako jaialdian bildutako dirau eman dio Haurtzaro Ikastoilak Seaska elkarteari Iazko azaroaren 26an kontzertuak izan ziren Elorsoro kiroldegian, Seaska Ipar Euskal Herriko ikastolak biltzen dituen elkartea laguntzeko. Esne Beltza, Betagarri eta Bad Sound System igo ziren taula gainera. Eta ekimena Haurtzaro Ikastolak eta Ttur-Ttur Euskaltzaleon Bilguneak antolatu zuten, Oiartzungo Udalaren laguntzarekin. Bertan bildutako dirua herenegun eman zion Haurtzaro Ikastolak Seaskari: 12.000 euro, guztira. Haurtzaro Ikastolako zuzendari Sorkunde Lekuonak izan zuen Seaskako presidente Paxkal Indori dirua emateko ardura. Horrez gain, eskerrak ere eman zituen: «Eskerrak eman behar dizkiogu jaialdia antolatzen lagundu ziguten guztiei, eta laguntzeko prest agertu zirenei ere bai. Baita parte hartu zuten guztiei ere». Lekuonak aitortu zuenez, jendearen erantzuna uste baino hobea izan zen: «Espero baino jende gehiago hurbildu zen, oso erantzun ona eman zuten. Gainera, euskal giroa izan zen nagusi. Jendea, benetako elkartasunez gerturatu zen kontzertuetara, ez bakarrik musikagatik». Indok ere eskerrak eman zituen: «Eskerrak eman behar dizkiogu Haurtzaro Ikastolari, eta jaialdi hau posible egin duten guztiei. Izan ere, guretzako oso garrantzitsua da ekimen hori aurrera atera izana eta diru guzti hori biltzea». Elkartasuna ere nabarmendu zuen: «Dirua garrantzitsua da, bai, baina giza elkartasuna nabarmentzekoa da». Lekuonak gogorarazi zuenez, oraindik asko dago egiteko: «Elkartasun keinuak egiten [...]

admin

Oraindik eros daitezke pailazoen saiorako sarrerak

Hilaren 29an, Zazpikoloroa ikuskizuna eskainiko dute Pirritx, Porrotx eta Marimotots pailazoek Elorsoro kiroldegian. Sarrerak, baina, pasa den larunbatean jarri zituzten salgai. 1.500 sarrera jarri zituzten Elorsoro kiroldegian Ugaldetxoko Kultur Taldeko kideek, ekimenaren antolatzaileek. Jakinarazi dutenez, 1.200 saldu zituzten. Hala, oraindik 300 sarrera dituzte saltzeko. Horiek ikuskizunaren egun berean, hilaren 29an, jarriko dituzte salgai, Elorsoroko lehiatilan bertan. Pailazoen saioa 17:00etan hasiko da, eta sarrerak 16:00etatik aurrera erosi hal izango dira. Ohi bezala, antolatzaileek oharra luzatu diete gurasoei: «Bi gurasoak joan ordez, bakarra joan dadila haurrekin, haur gehiagok izateko ikuskizunaz gozatzeko aukera». Bost eta zortzi euro Bi urtetik gorako haur guztiek ordaindu beharko dute bost euroko sarrera, eta helduek zortzi euro ordaindu beharko dute. Pertsona bakoitzak gehienez zortzi sarrera erosi ahal izango ditu.

admin

183 kontsulta, 2011n, Kontsumo Bulegoan

2011n, 183 kontsultari eman zitzaien arreta Hondarribiko Kontsumo Bulegoan. Iaz baino 23 kontsulta gutxiago izan dira. Hala ere, Kasino Zaharrean jaso diren erreklamazioen kopurua handitu egin da. Kontsulten gaiak aurreko urteetakoen antzekoak izan dir...

admin

“Aupa Aritz, aupa Mirandes!”

Pasaitar talde bat Espanyol eta Mirandes taldeen arteko Espainiako Kopako partida ikusteko bildu zen atzo Antxoko Mimos tabernan. Izan ere, Aritz Mujika antxotarrak Mirandesen jokatzen du, eta haren Kopako bidea tentuz jarraitzen ari dira Mujikaren lagunak, senideak, eta antxotarrak oro har. Ondo hasi zuen lehia Burgosko (Espainia) taldeak, 0-2 aurreratu baitzen markagailuan. Partida bukatzear zela, ordea, Espanyol taldeak hiru gol sartu zituen eta 3-2ko emaitzarekin itzuli ziren etxera Mirandesekoak. Itzuliko partidan ikusi beharko da nork egingo duen aurrera kanporaketan. Hala ere, giro onean izan ziren Mujikaren jarraitzaileak.

admin

Harrera egingo diete bihar Herbeheretako ikasleei

Herbeheretatik etorritako ikasle taldeari harrera egingo diete bihar goizean, Irungo Udaletxean. Ikasleak Pio Baroja institutuko ikasleekin trukea egingo dute, eta martxoan abiatuko dira irundarrak hara. Trukearen xedeetako bat, ingelesa pratikatzea da.

admin

Oarsoarrak sari banaketa, Hamaika Telebistan

Oarsoaldea Garapen Agentziako Euskara Sailak antolatutako Oarsoarrak Sariak herrian banatu zituzten abenduaren 2an. Hamaika Telebistak saioa ikusteko aukera eskaintzen du hemen.

admin

Zuzendaritza eta presidente berria hautatuko ditu TKEk

Urteko lehenengo batzar orokorra egingo du larunbat goizean herriko egoitzan, 10:00etatik aurrera TKE Traineru Kluben Elkarteko batzar orokorra egingo dute larunbatean, TKEk herrian duen egoitzan, 10:00etan. Urteko lehen batzar orokorra da, eta beste h...

admin

Kontsumo arduratsuaren inguruko zineforuma antolatu dute Kabigorrin

M15 Bidasoa eskualdeko taldeak zineforuma antolatu du igandean Kabigorri Ateneoan. Kontsumo arduratsuaren eta iraunkorraren inguruko bi dokumental emango dituzte bertan: Obsolescencia programada eta La historia de las cosas. Ikusentzunekoen ondotik, ez...

admin

Hondarribiak eta Irunek mahai propioa izango dute Fiturren

Hondarribia eta Irun gaur Madrilen hasiko duten Fitur turismo azokan izango dira. Bidasoa Bizirik-en bidez, eskualdeko udalek, turismo esparruko bilera eta kontaktu garrantzitsuak lortzeko aukerak izango dituzte igandera arte. Bidasoa Euskadiko postuaren barruan izango da, gastronomia eta touring (Euskal Herritik zirkuituak) erakusmahaietan zehazki. Aurten Fitur produktuen arabera antolatu dute, eta ez lurraldeka. Hala, Hondarribia eta Irun indartu nahi dituzte, erakargarritasun turistikoak bultzatuz. Gidak, hitzaldiak eta planoak Bidasoa hainbat euskarriren bidez aurkezteko aukera izango dute: eskualdeko gastronomia gida eta Hondarribiko eta Irungo ostatu gidak aurkeztuko dituzte, besteak beste. Gainera, bestelako liburuxkak aurkeztuko dituzte, eta planoez gain, inguruko turismo guneak zeintzuk diren jakinaraziko dute liburuxka horien bidez. Hondarribiko hiri harresituari buruzko hitzaldia ere emango dute, eta Irun Dastatuk pasa den astean aurkeztutako gida Madrilen izango da. Gaur hasi eta igandera arte Turismo alorrean egiten ari diren proiektu interesgarrienak ere aurkeztuko dituzte Bidasoko ordezkariek. Irunsens esaterako. Hala, Irungo eta baita Erdi Aroko Hiri eta Hiribilduen sareko bost gune bisita gidatu bidez ezagutzeko aukera ere luzatuko dute, bost zentzumenak erabiliz. Hondarribia Erdi Aroko sare horretako ordezkari teknikoa da. Iaz, 10.434 enpresak parte hartu zuten Fiturren, 166 herri eta eskualde izan ziren guztira ordezkaritza izan zutenak, eta 209.260 bisitari gerturatu ziren azokara. Hala, aurtengo azoka [...]

admin

Sorospen ikastaroa antolatu du Gurutze Gorriak Hondarribian

Hondarribiko Gurutze Gorriak sorospen eta oinarrizko artapen ikastaroak antolatu ditu hil honetarako eta otsailerako. Lehenengo ikastaroa hilaren 30ean hasiko da, otsailaren 17a arte, astelehenetik ostiralera, 18:00etatik 21:00etara. Parte hartu nahi dutenek, Gurutze Gorrian eman behar dute izena, edo 647 90 33 00 telefono zenbakira deitu.

admin

Jean Echenoz idazlearen ‘Ravel’ landuko dute

Zapigarren urtez Hondarribiko liburutegiak literatura tailerrak antolatu ditu. Horrela, hiru tailer antolatu dituzte, literaturzaleek esperientziak trukatzeko. Bihar, osteguna, Liburuarekin hitzordua tailerra egingo dute, 15:30etik aurrera, Zuloaga Etx...

admin

Euskadiko eta Espainiako txapelketetan ariko dira Santiagotarrak

Santiagotarrak Kirol Elkarteko ontzi luzeko arraunlariek Euskadiko txapelketan izango dira larunbatean, Bidasoa ibaian. Halaber, hileko azken asteburuan, urtarrilaren 28an eta 29an zehazki, Madrilen antolatutako Espainiako txapelketan ere lehiatuko direla baieztatu dute. Bidasoaren jaitsieran lehiatuko direnen artean, besteak beste, daude Hondarribia, Orio eta Ur Kirolak Gipuzkoatik, eta Santurtzi, Kaiku eta Getxo Bizkaiatik. Hala, Bidasoako jaitsieran 80 bat ontzi lehiatuko direla aurreikusi dute. Halaber, jaitsierak aulki mugikorreko euskal ligarako puntuak gehitzeko balioko du.

admin

Juan Wolmer biribilgunea aste honetan bukatuko dute

Alzukaitz eremuko berritartze lanei jarraituz, ostegunean edo ostiralean, Juan Wolmer biribilgunearen behin betiko diseinua osatuko dutela jakinarazi du Irungo Udalak, biribilguneari behin betiko borobil diseinua emanez. Hala, lanak garatu ahal izateko, egun horietan ibilgailuek ezingo dute Wolmer biribilgunerantz sartu eta trafikoak Alzukaitz kaletik desbideratuko dira.    

admin

Gol festa: neskek bost gol sartu eta bat ere ez jaso

Partida, espero bezala ez zen zaila izan. Sailkapeneko azken aurreko taldearen kontra —Atletico Revellin— lehiatu ziren Oiartzungo neskak, eta argi utzi zuten zergatik dauden sailkapeneko bigarren postuan. Bost gol sartu zituzten oiartzuarrek, eta ...

admin
Gehiago