Eibarren aurka puntuak lortzea beste aukerarik ez du Real Unionek
Azaroaren 26an lortu zuen Real Unionek ligako azken garaipena, Salamancaren kontra, Galen. Ordutik bost partida jarraian egin ditu talde txuri-beltzak irabazi gabe, eta sailkapen nagusian asko nabaritu du hori. Izan ere, sailkapenaren goialdetik erdial...
Azaroaren 26an lortu zuen Real Unionek ligako azken garaipena, Salamancaren kontra, Galen. Ordutik bost partida jarraian egin ditu talde txuri-beltzak irabazi gabe, eta sailkapen nagusian asko nabaritu du hori. Izan ere, sailkapenaren goialdetik erdialdera pasatu da Roberto Olabek entrenatzen duen taldea. Bihar, 16:00etatik aurrera, bolada hori hausten saiatuko dira Ipuruan.
Osasunaren eta Realaren bigarren taldeek Galetik eramandako puntuak bereziki mingarriak izan dira irundarrentzat. Horrek, taldean ezinegona sortu du, eta zaleen artean ere haserrea nabaritzen hasi da. Igandean Real Bren kontra 0-1 galdu eta gero txistuak jaso zituen taldeak.
Bigarren itzuliko bigarren partida izango da Unionek Eibarren jokatuko duena. Igoera fasea jokatzeko oso garrantzitsua da etxeko partidak irabaztea, baina kanpoan ere pilatu behar dituzte puntuak txuri-beltzek. Eibar, ordea, kontrario latza da, eskarmentu handiko taldea.
