Adinekoei BEZa deskontatuko die Carrefourrek
65 urtetik gorako bezeroek %4ko eta %8ko beza aurreztuko dute hainbat produktutan Carrefour merkatalguneak jakinarazi duenez, 65 urtetiko gorakoei ez die BEZ Balio Erantsiaren Gaineko Zerga kobratuko aurrerantzean. Honako produktuetan ez dute BEZa ordaindu beharko 65 urtetik gora dituzten bezeroek: haragitegikoetan, arraindegikoetan, frutategikoetan, okindegikoetan, urdaitegikoetan, gozotegikoetan, prestatutako plateretan, arrautzetan, berduran, barazkietan eta gaztetan. %4 eta %8ko BEZa dute, eta eguneroko produktuak dira. Carrefourren kalkuluen arabera, adineko pertsonek egiten dituzten janari erosketen %65 osatzen dute produktu horiek. Merkatalgunetik zehaztu dutenez, erosketak egiteko momentuan bertan egingo diete deskontua adineko pertsonei. Eta gainontzeko deskontuekin eta eskaintzekin bateragarria izango da: «Esaterako, Carrefour Pass Visa erabiltzen badute, horri dagokion deskontua edo eskaintza ere jasoko dute». 65+ planean sartzea erraza dela nabarmendu dute ekimenaren sustatzaileek: «Adineko pertsonek Club Carrefourren izena eman behar dute doan, eta 65+ txartela eskuratuko dute, adin hori edo gehiago dutela frogatzen dutenean. Txartel hori erosketa ordaintzerakoan erakutsi beharko dute, eta momentuan kenduko diete BEZa». Laguntzea helburu Carrefourreko arduradunek zehaztu dutenez, ekimenaren helburua kolektibo horren egoera ekonomikoa laguntzea da. Carrefourrek bere gain hartuko ditu ekimen horrek dakartzan gastuak. Martxoaren 31n, Carrefourrek ekimenaren nondik norakoak baloratuko ditu. Emaitzak aztertu ondoren, aldaketak egin edo ez erabakiko du. 135.000 gipuzkoar Espainiako Estatistika Institutuaren arabera, 135.000 [...]
65 urtetik gorako bezeroek %4ko eta %8ko beza aurreztuko dute hainbat produktutan
Carrefour merkatalguneak jakinarazi duenez, 65 urtetiko gorakoei ez die BEZ Balio Erantsiaren Gaineko Zerga kobratuko aurrerantzean.
Honako produktuetan ez dute BEZa ordaindu beharko 65 urtetik gora dituzten bezeroek: haragitegikoetan, arraindegikoetan, frutategikoetan, okindegikoetan, urdaitegikoetan, gozotegikoetan, prestatutako plateretan, arrautzetan, berduran, barazkietan eta gaztetan.
%4 eta %8ko BEZa dute, eta eguneroko produktuak dira. Carrefourren kalkuluen arabera, adineko pertsonek egiten dituzten janari erosketen %65 osatzen dute produktu horiek.
Merkatalgunetik zehaztu dutenez, erosketak egiteko momentuan bertan egingo diete deskontua adineko pertsonei. Eta gainontzeko deskontuekin eta eskaintzekin bateragarria izango da: «Esaterako, Carrefour Pass Visa erabiltzen badute, horri dagokion deskontua edo eskaintza ere jasoko dute».
65+ planean sartzea erraza dela nabarmendu dute ekimenaren sustatzaileek: «Adineko pertsonek Club Carrefourren izena eman behar dute doan, eta 65+ txartela eskuratuko dute, adin hori edo gehiago dutela frogatzen dutenean. Txartel hori erosketa ordaintzerakoan erakutsi beharko dute, eta momentuan kenduko diete BEZa».
Laguntzea helburu
Carrefourreko arduradunek zehaztu dutenez, ekimenaren helburua kolektibo horren egoera ekonomikoa laguntzea da. Carrefourrek bere gain hartuko ditu ekimen horrek dakartzan gastuak.
Martxoaren 31n, Carrefourrek ekimenaren nondik norakoak baloratuko ditu. Emaitzak aztertu ondoren, aldaketak egin edo ez erabakiko du.
135.000 gipuzkoar
Espainiako Estatistika Institutuaren arabera, 135.000 gipuzkoarrek baino gehiagorentzat (Gipuzkoako biztanleen %19arentzat) izan liteke onuragarria neurri hori Carrefour merkatalguneetan erosiz gero.
Urtean 200-250 euro aurreztu ahal izango dituzte adineko pertsonek Carrefourren, merkatalgunearen arduradunek jakinarazi dutenez.
EAE Euskal Autonomia Erkidegoan, 65+ planarekin bat egin ahal izango dute 417.000 pertsonek.
