Bigarren eskuko azokan hamabost postu izango dira, etzi, Zumardian
Bigarren eskuko azoka egingo dute etzi Gamon Zumardian. Antolatzaileek jakinarazi dutenez, euria egingo balu, Xabier Olaskoaga plazan jarriko dituzte salmenta postuak. Guztira, hamabost saltzaile eta beste hainbeste postu jarriko dituzte, “egural...
Bigarren eskuko azoka egingo dute etzi Gamon Zumardian. Antolatzaileek jakinarazi dutenez, euria egingo balu, Xabier Olaskoaga plazan jarriko dituzte salmenta postuak.
Guztira, hamabost saltzaile eta beste hainbeste postu jarriko dituzte, “eguraldiaren arabera hori alda daiteke, txarra egiten duenean, hainbatek postua ez jartzea erabakitzen dutelako”, esan dute antolatzaileek.
Denetarik eta modu onean
Bigarren eskuko azoka 10:00etan irekiko dute, eta eguerdiko ordubiak arte izango da zabalik. Bertan, askotariko produktuak eskuratzeko aukera izaten dute bertaratzen direnek. “Denetarik izaten dugu, eta gainera modu onean”, zehaztu dute antolatzaileek. Etziko azokan, besteak beste, liburuak, diskoak, arropa, jostailuak, eta antigoaleko produktuak izango dituzte salgai. Inauteriak hurbil direla eta, mozorroak ere ez dira faltako bigarren eskuko azokaren postuetan.
