Mixel Etxekopar, eta Ynarhu eta Mao Fermin, Neguko Kontzertuan
Larunbatean izango da, Herri Musikaren Txokoan, 18:30etik aurrera; ondoren, afaria egingo dute Negua da urteko lehenengo sasoia, eta hala, Neguko Kontzertua izaten da HMT Herri Musikaren Txokoko urteko lehen emanaldia. Aurtengoa larunbatean izango da, 18:30etik aurrera, Herri Musikaren Txokoan bertan. Bikote bat eta bakarlari bat lotu dituzte antolatzaileek larunbateko emanaldirako. Venezuelako Ynarhu eta Mao Fermin bikotea izango da taula gainera igotzen lehena. Ynarhu abeslaria da, eta jaiotzetik izan du musikarekin eta kantuarekin harremana. Jakintza hori Madrilen osatu zuen, bertan egin baitzituen solfeo eta kantu ikasketak. Mao Fermin, aldiz, musikaria da. Hamahiru urterekin hasi zen mandolina jotzen eta zenbat talde sortu ondoren, hemeretzi urtereko Un solo pueblo taldeko partaide egin zen. Talde horretan hasi zen Venezuelako musika eta folklorea sakon ezagutzen. Rafael Salazar musikologoarekin eta Rafael Strauss antropologoarekin Venezuelako hainbat eskualdetan ibili zen musika jotzen, eta aldi berean, zeharkatzen zituzten eskualde haietako musika ikertzen eta ikasten. Herri Musikaren Txokoko kideek nabarmendu dutenez, «Ynarhuren ahots gozoa eta Maoren maila instrumentala elkartuz, Venezuela, Hegoamerika eta Espainiako musikari onenenetakoekin lana egin dutenengandik espero daitekeena bezalako emanaldi bikaina antolatu dute». Mixel Etxekopar, Zuberoakoa Venezuelako bikotearen ondoren Zuberoako Mixel Etxekopar bakarlariaren txanda izango da. Hamar abestiko egitaraua du. Etxekopar hamabi urte inguru zituela hasi zen hiru [...]
Larunbatean izango da, Herri Musikaren Txokoan, 18:30etik aurrera; ondoren, afaria egingo dute
Negua da urteko lehenengo sasoia, eta hala, Neguko Kontzertua izaten da HMT Herri Musikaren Txokoko urteko lehen emanaldia. Aurtengoa larunbatean izango da, 18:30etik aurrera, Herri Musikaren Txokoan bertan.
Bikote bat eta bakarlari bat lotu dituzte antolatzaileek larunbateko emanaldirako. Venezuelako Ynarhu eta Mao Fermin bikotea izango da taula gainera igotzen lehena.
Ynarhu abeslaria da, eta jaiotzetik izan du musikarekin eta kantuarekin harremana. Jakintza hori Madrilen osatu zuen, bertan egin baitzituen solfeo eta kantu ikasketak.
Mao Fermin, aldiz, musikaria da. Hamahiru urterekin hasi zen mandolina jotzen eta zenbat talde sortu ondoren, hemeretzi urtereko Un solo pueblo taldeko partaide egin zen. Talde horretan hasi zen Venezuelako musika eta folklorea sakon ezagutzen. Rafael Salazar musikologoarekin eta Rafael Strauss antropologoarekin Venezuelako hainbat eskualdetan ibili zen musika jotzen, eta aldi berean, zeharkatzen zituzten eskualde haietako musika ikertzen eta ikasten.
Herri Musikaren Txokoko kideek nabarmendu dutenez, «Ynarhuren ahots gozoa eta Maoren maila instrumentala elkartuz, Venezuela, Hegoamerika eta Espainiako musikari onenenetakoekin lana egin dutenengandik espero daitekeena bezalako emanaldi bikaina antolatu dute».
Mixel Etxekopar, Zuberoakoa
Venezuelako bikotearen ondoren Zuberoako Mixel Etxekopar bakarlariaren txanda izango da. Hamar abestiko egitaraua du.
Etxekopar hamabi urte inguru zituela hasi zen hiru zuloko xirula jotzen. antzinako soinu tresna horri eta berekin jo izan diren eta jotzen diren doinuei hautsa kentzea du bere bizi arrazoietako bat.
Herri Musikaren Txokoko arduradunen arabera, «urteak daramatzat horretal, zaharraren berritasun bilatzen, berriaren betikotasuna edireiten».
Ohi bezala, afaria egingo dute kontzertuaren ondoren. Txartelek hemezortzi euro balio dute, eta telefonoz eskatu behar dira, 943 49 35 78 zenbakian.
