2012 denboraldiko lehenengo titulua irabazi du Hondarribiko zortzikoak
Distantzia Luzeko Aulki Mugikorreko Gipuzkoako txapeldun izan zen larunbat arratsaldean Hondarribiako Senior Mailako zortzikoa, Bidasoa ibaian. Hiriko arraun elkarteak eta Gipuzkoako Federazioak antolatu zuten lehenengoz lehia, arrakastarekin gainera. Gipuzkoan aulki mugikorra lantzen duten arraun elkarte guztiek parte hartu zuten: Hondarribiak, San Juanek, Donostia-Arraun Lagunak-ek, Ur-Kirolak-ek, Santiagotarrak-ek eta Oriok. B ontzia, hirugarrena Guztira 260 arraunlarik eta 48 ontzik parte hartu zuten larunbateko proban. Proba nagusian, Hondarribiko zortzikoaren atzetik —hamazazpi minutu eta 13 segundoko denbora egin zuten etxekoek— Orio sailkatu zen, hamalau segundora. Hondarribia B izan zen hirugarrena, Santiagotarrak laugarrena, Donostia-Arraun Lagunak bosgarrena, eta Ur-Kirolak kanporatu egin zuten. Irabazleen zortzikoa honakoa zen: Julen Castrillon, Iñigo Vertiz, Ekaitz Aznar, Iker Amador, Gorka Vertiz, Manex Aldai, Asier Puertas, Mikel Orbañanos eta Joan Alza (lemazaina). Bestalde, Distantzia Luzeko Aulki Mugikorreko Euskadiko Txapelketa ere Hondarribian jokatuko dute. Hilaren 21ean izango da proba hori, Bidasoa ibaitik zehar.
Hamalau segundo atera zizkion Hondarribiak bigarrena izan zen Oriori.
Distantzia Luzeko Aulki Mugikorreko Gipuzkoako txapeldun izan zen larunbat arratsaldean Hondarribiako Senior Mailako zortzikoa, Bidasoa ibaian. Hiriko arraun elkarteak eta Gipuzkoako Federazioak antolatu zuten lehenengoz lehia, arrakastarekin gainera. Gipuzkoan aulki mugikorra lantzen duten arraun elkarte guztiek parte hartu zuten: Hondarribiak, San Juanek, Donostia-Arraun Lagunak-ek, Ur-Kirolak-ek, Santiagotarrak-ek eta Oriok.
B ontzia, hirugarrena
Guztira 260 arraunlarik eta 48 ontzik parte hartu zuten larunbateko proban. Proba nagusian, Hondarribiko zortzikoaren atzetik —hamazazpi minutu eta 13 segundoko denbora egin zuten etxekoek— Orio sailkatu zen, hamalau segundora. Hondarribia B izan zen hirugarrena, Santiagotarrak laugarrena, Donostia-Arraun Lagunak bosgarrena, eta Ur-Kirolak kanporatu egin zuten. Irabazleen zortzikoa honakoa zen: Julen Castrillon, Iñigo Vertiz, Ekaitz Aznar, Iker Amador, Gorka Vertiz, Manex Aldai, Asier Puertas, Mikel Orbañanos eta Joan Alza (lemazaina).
Bestalde, Distantzia Luzeko Aulki Mugikorreko Euskadiko Txapelketa ere Hondarribian jokatuko dute. Hilaren 21ean izango da proba hori, Bidasoa ibaitik zehar.
