Gipuzkoako txapelketako aulki mugikorreko lehia, bihar, Bidasoa ibaian
Bihar, Hondarribiko Arraun Elkarteak antolatuta, Gipuzkoako Distantzia Luzeko Aulki Mugikorreko Txapelketa jokatuko dute Bidasoa ibaian. Hala, Espainiako eta Euskadiko txapelketetan modalitate honetan izandako arrakastaren ondorioz, Gipuzkoako federazioak, Gipuzkoako txapelketa lehenengo aldiz antolatzea erabaki du. Hartara, 2012 urteko lehenengo arraunketa txapelketa ofiziala izango da. Haurren Mailako lehenengo ontziak arratsaldeko hiruetan aterako dira Behobiatik. Jarraian, kadeteak aterako dira, eta bukatzeko, gazteak eta seniorrak aterako dira autopistako zubitik. Helmuga, Bidasoa pasealekuan izango da, Puntala auzoko etxeen parean. Hala, zaleek estropadaren azken metroak ikusteko aukera izango dute. Ontzi luzeak lehian 51 ontzik parte hartuko dute, eta 270 arraunlari izango dira guztira. Lauko eta zortziko ontzi luzeek parte har dezakete, eta bikoak emakumeen kasuan. Txapelketako proba nagusia seniorrena izango da. Sei ontzik parte hartuko dute: Ur Kirolak, Santiagotarrak, Donosti Arraun Lagunak, Orio, Hondarribia B eta Hondarribia A. Lehia ikusgarria izango da seniorren artekoa, eta iaz modalitate honetan lortutako emaitzak kontuan hartuta, hondarribiarrak dira faborito, aurrera doazen Santiagotarrak eta Ur Kirolak-ekin batera. Oriok ere zer esana emango du, zortziko indartsua bildu baitu: modalitatean berriro erreferente izateko helburuz, Miguel Angel Millares eta Arkaitz Goñi arraunlariek osatuko dute Orioko zortzikoa. Gainera, Hondarribiak bi ontzi aterako ditu. Hondarribiko A ontzia ondorengo arraunlariek osatuko dute: Julen Castrillon, Iñigo Vertiz, Ekaitz [...]
Bihar, Hondarribiko Arraun Elkarteak antolatuta, Gipuzkoako Distantzia Luzeko Aulki Mugikorreko Txapelketa jokatuko dute Bidasoa ibaian. Hala, Espainiako eta Euskadiko txapelketetan modalitate honetan izandako arrakastaren ondorioz, Gipuzkoako federazioak, Gipuzkoako txapelketa lehenengo aldiz antolatzea erabaki du. Hartara, 2012 urteko lehenengo arraunketa txapelketa ofiziala izango da.
Haurren Mailako lehenengo ontziak arratsaldeko hiruetan aterako dira Behobiatik. Jarraian, kadeteak aterako dira, eta bukatzeko, gazteak eta seniorrak aterako dira autopistako zubitik. Helmuga, Bidasoa pasealekuan izango da, Puntala auzoko etxeen parean. Hala, zaleek estropadaren azken metroak ikusteko aukera izango dute.
Ontzi luzeak lehian
51 ontzik parte hartuko dute, eta 270 arraunlari izango dira guztira. Lauko eta zortziko ontzi luzeek parte har dezakete, eta bikoak emakumeen kasuan. Txapelketako proba nagusia seniorrena izango da. Sei ontzik parte hartuko dute: Ur Kirolak, Santiagotarrak, Donosti Arraun Lagunak, Orio, Hondarribia B eta Hondarribia A.
Lehia ikusgarria izango da seniorren artekoa, eta iaz modalitate honetan lortutako emaitzak kontuan hartuta, hondarribiarrak dira faborito, aurrera doazen Santiagotarrak eta Ur Kirolak-ekin batera. Oriok ere zer esana emango du, zortziko indartsua bildu baitu: modalitatean berriro erreferente izateko helburuz, Miguel Angel Millares eta Arkaitz Goñi arraunlariek osatuko dute Orioko zortzikoa.
Gainera, Hondarribiak bi ontzi aterako ditu. Hondarribiko A ontzia ondorengo arraunlariek osatuko dute: Julen Castrillon, Iñigo Vertiz, Ekaitz Aznar, Iker Amador, Gorka Vertiz, Manex Aldai, Asier Puertas, Mikel Orbañanos eta Joan Alza lemazain lanetan. Taldeko aldaketa bakarra Gorka Vertiz taldera bueltatuko dela da, Xamu Kanpandegiren ordez. Hala, Manex Aldaik aldez aldatu beharko du, eta istribor aldetik arraun egin.
Eguraldi ona iragarri dute biharko eta 15:15 aldera iritsiko dira lehenengo ontziak helmugara. Senior Mailako ontziak 16:00ak aldera iritsiko direla jakinarazi dute antolatzaileek.
Hondarribiko ontzia da faborito senior mailan.
