Fanderiako Haurren Krosa antolatu du Erdiko-Erreka elkarteak seigarrenez
Erdiko-Erreka auzo elkarteak antolatuta, Fanderiako Haurren Krossa egingo dute etzi seigarrenez. Rafa Lorente auzo elkarteko presidenteak eta Jose Manuel Ferradas Kirol Patronatuko lehendakariak herenegun arratsaldean egindako agerraldian eman zuten lasterketaren nondik norakoen berri. Lorentek azaldu zuenez, “honakoa da auzo elkarteak antolatzen duen urteko lehen ekimena”, eta antolaketan, urtero bezala, EAT Errenteriako Atletismo Taldearen laguntza izan dute aurten ere. Bost kategoria guztira Eguerdiko hamabietan hasiko da lasterketa Dolores Ibarruri Zumarditik abiatuta, eta mailaren arabera, ibilbide ezberdina egin beharko dute parte hartzen duten haurrek, Lorentek zehaztu zuen bezala. “Bost kategoria izango dira guztira. Aurrebenjamin Mailakoek, 500 metro egin beharko dituzte; Benjamin Mailakoek, 510; alebinek, 840 metro; Haur Mailakoek, 350; eta kadeteek azkenik, 1.680 metro”. Parte hartu nahi duten haurrek helmugaren parean jarriko duten postuan eman beharko dute izena proba hasi baino ordubete lehenago. “Bakoitzak bere kategorian eman beharko du izena”, azaldu du Lorentek. Urtez urte handitu den proba Etzikoa, seigarren ekitaldia izango du Fanderiako Haurren Krossak, eta antolatzaileek nabarmendu dutenez, “urtero-urtero handitzen doa, eta baita indarra hartzen ere”. Aurreko urtean, 200 haurrek eman zuten izena lasterketan parte hartzeko. Aurten kopuru hori gainditzea espero dute antolatzaileek eta hori esateko adierazle egokia badutela azaldu dute: “San Silbestre lasterketan parte hartu duten haurren kopurua igo [...]
Erdiko-Erreka auzo elkarteak antolatuta, Fanderiako Haurren Krossa egingo dute etzi seigarrenez. Rafa Lorente auzo elkarteko presidenteak eta Jose Manuel Ferradas Kirol Patronatuko lehendakariak herenegun arratsaldean egindako agerraldian eman zuten lasterketaren nondik norakoen berri.
Lorentek azaldu zuenez, “honakoa da auzo elkarteak antolatzen duen urteko lehen ekimena”, eta antolaketan, urtero bezala, EAT Errenteriako Atletismo Taldearen laguntza izan dute aurten ere.
Bost kategoria guztira
Eguerdiko hamabietan hasiko da lasterketa Dolores Ibarruri Zumarditik abiatuta, eta mailaren arabera, ibilbide ezberdina egin beharko dute parte hartzen duten haurrek, Lorentek zehaztu zuen bezala. “Bost kategoria izango dira guztira. Aurrebenjamin Mailakoek, 500 metro egin beharko dituzte; Benjamin Mailakoek, 510; alebinek, 840 metro; Haur Mailakoek, 350; eta kadeteek azkenik, 1.680 metro”. Parte hartu nahi duten haurrek helmugaren parean jarriko duten postuan eman beharko dute izena proba hasi baino ordubete lehenago. “Bakoitzak bere kategorian eman beharko du izena”, azaldu du Lorentek.
Urtez urte handitu den proba
Etzikoa, seigarren ekitaldia izango du Fanderiako Haurren Krossak, eta antolatzaileek nabarmendu dutenez, “urtero-urtero handitzen doa, eta baita indarra hartzen ere”.
Aurreko urtean, 200 haurrek eman zuten izena lasterketan parte hartzeko. Aurten kopuru hori gainditzea espero dute antolatzaileek eta hori esateko adierazle egokia badutela azaldu dute: “San Silbestre lasterketan parte hartu duten haurren kopurua igo da, eta horren bueltan ibiltzen da guk antolatutako lasterketaren parte hartzea. Normalean, San Silbestrean parte hartzen duten haurrek, gure lasterketan ere parte hartzen dute, eta aurten, beraz, 200 horiek gaindituko ditugula uste dugu”.
Kirol Patronatuko presidente Jose Manuel Ferradasek, bere aldetik, Errenteria-Orereta Gabonen bueltan kirol ekimen gehien antolatzen duen Gipuzkoako herrietako bat izango dela, eta hori Kirol Patronatuarentzat zein udalarentzat «pozgarria» dela nabarmendu du. Horren guztiaren meritua kirol elkarteei eta kasu honetan bereziki auzo elkarteari aitortu die Ferradasek, “beraiek egiten baitute dena posible”, eta bide horretan jarraitzera animatu ditu, “datorren urteari ere Haurren Krosarekin ongietorria emateko”.
Sari banaketa lasterketaren ondoren egingo dute, Fanderiako Erdiko-Erreka auzo elkarteko kideek, 13:00etatik aurrera, eta jakinarazi dutenez ekitaldi horretan izango da Julen Mendoza alkatea.
