San Marko zabortegia ixteko bigarren fasea onartu du udalak
San Marko zabortegia behin betiko itxi eta ingurugiro naturala berreskuratzeko fasean, Errenteriako Udalak bigarren faseari argi berdea eman dio. “Udalak zabortegi hori behin betiko ixteko duen borondate irmoari eusten dio, beharrezkoak diren tra...
San Marko zabortegia behin betiko itxi eta ingurugiro naturala berreskuratzeko fasean, Errenteriako Udalak bigarren faseari argi berdea eman dio. “Udalak zabortegi hori behin betiko ixteko duen borondate irmoari eusten dio, beharrezkoak diren tramiteak jarraituz”, adierazi du.
Errenteriako Udalaren arabera, Eusko Jaurlaritzaren Ingurumen Kontseilariordetzak egindako eskaerari erantzuten dio berak onartutako baimenak, erakunde hori baita zabortegia ixteko beharrezkoak diren hainbat fase bideratzeko ardura duena. Bigarren fasean “124.014 metro koadrotan lan egingo da, ia zabortegiaren hedapen osoaren erdia, Donostia, Astigarraga eta Errenteriako udalerrian eremuetan dagoena”. Gaineratu duenez, lan horien bidez “desgasifikazio sistema, lixibiatuen bilketa sarea, drainatzeak eta euste, finkapen eta egonkortasun elementuak” hobetuko dituzte.