Lezoko hautetsiek bat egin dute presoen aldeko baraualdiarekin
Lezoko Udalak bandoa atera du, bihar Euskal Herri osoko hautetsiek egingo duten baraualdiarekin bat egingo dutela iragarriz. Baraualdia euskal presoen eskubideen aldekoa izango da. Bihar eguerdian elkarretaratzea egingo dute Gurutze Santuaren plazan, 12:00etatik aurrera. Herriko eragile guztiei mobilizazio horretan parte hartzeko gonbitea egin diete. Horrez gain, urtarrilaren 7an euskal presoen eskubideen alde Bilbon egingo duten manifestazioarekin bat egin dute. Ainhoa Zabalo alkateak sinatutako bandoaren arabera, egungoa “aukera historikoa” da, eta “euskal preso politikoen eskubideen errespetua eskatzen du”. Eskubide horiek honakoak dira: “Dispertsioa bukatzea eta preso guztien Euskal Herriratzea, gaixotasun larriak dituzten presoen askatzea etea zigorra beteta dutenen askatzea”. Bandoan, baraualdiarekin eta manifestazioarekin bat egiteaz gain, herritarrei batzeko deia egin diete: “Gure udalerriko eragile guztiei deialdia luzatzen diegu urtarrilaren 7ko mobilizazioarekin bat egin eta beronen eskuetan dagoena egin dezaten bere ekimen sozial, kultural edo kirolaren alorreko ordutegiak berau indartze aldera koka ditzaten”. Ezberdintasunen gainetik Presoen eskubideen aldeko mobilizazioetan ahalik eta jende gehien biltzeko nahia du udalak. “Herritarrei deialdi zabal eta anitza luzatu nahi diegu ezberdintasun politiko guztien gainetik giza eskubideen alde urratsa eman eta herri honek inoiz ezagutu duen mobilizaziorik handiena denon artean osa dezagun”, nabarmendu du alkateak.
Lezoko Udalak bandoa atera du, bihar Euskal Herri osoko hautetsiek egingo duten baraualdiarekin bat egingo dutela iragarriz. Baraualdia euskal presoen eskubideen aldekoa izango da. Bihar eguerdian elkarretaratzea egingo dute Gurutze Santuaren plazan, 12:00etatik aurrera. Herriko eragile guztiei mobilizazio horretan parte hartzeko gonbitea egin diete.
Horrez gain, urtarrilaren 7an euskal presoen eskubideen alde Bilbon egingo duten manifestazioarekin bat egin dute.
Ainhoa Zabalo alkateak sinatutako bandoaren arabera, egungoa “aukera historikoa” da, eta “euskal preso politikoen eskubideen errespetua eskatzen du”. Eskubide horiek honakoak dira: “Dispertsioa bukatzea eta preso guztien Euskal Herriratzea, gaixotasun larriak dituzten presoen askatzea etea zigorra beteta dutenen askatzea”.
Bandoan, baraualdiarekin eta manifestazioarekin bat egiteaz gain, herritarrei batzeko deia egin diete: “Gure udalerriko eragile guztiei deialdia luzatzen diegu urtarrilaren 7ko mobilizazioarekin bat egin eta beronen eskuetan dagoena egin dezaten bere ekimen sozial, kultural edo kirolaren alorreko ordutegiak berau indartze aldera koka ditzaten”.
Ezberdintasunen gainetik
Presoen eskubideen aldeko mobilizazioetan ahalik eta jende gehien biltzeko nahia du udalak. “Herritarrei deialdi zabal eta anitza luzatu nahi diegu ezberdintasun politiko guztien gainetik giza eskubideen alde urratsa eman eta herri honek inoiz ezagutu duen mobilizaziorik handiena denon artean osa dezagun”, nabarmendu du alkateak.
