Eskolatik Kaleraren Gabonetako emanaldia igandean izango da
Ostiralean beharrean, oraingoan igandean izango da Eskolatik Kalera. Gabonei begira, ekitaldi berezia prestatu dute igande honetarako: Museo magikoa Gabonetako kontzertua. Emanaldi horretan hiru taldek parte hartuko dute: EMKE Errenteria Musika Kultur ...
Ostiralean beharrean, oraingoan igandean izango da Eskolatik Kalera. Gabonei begira, ekitaldi berezia prestatu dute igande honetarako: Museo magikoa Gabonetako kontzertua. Emanaldi horretan hiru taldek parte hartuko dute: EMKE Errenteria Musika Kultur Elkarteko musika bandak, Errenteria Musikaleko dantza eskolak, eta Xurdin antzerki taldeak. Kontzertua 18:00etan hasiko da Errenteria Hiria Kulturgunean.
Saio horretan haurrek museo magiko bat ikusi eta entzun ahal izango dute. Sei koadroz osatutako ikuskizuna izango da, eta bakoitzean istorio bana kontatuko dute.
Ekitaldira joateko sarrerak beharko dira, eta euro baten truke eros daitezke kulturguneko leihatilan. Gaur, 11:00etatik 13:00etara egongo da zabalik; bihar, 18:00etatik 20:00etara; eta igandean, saioa hasi baino ordu bat lehenago.
