Udalak Iztietako gaia “objektiboki” lantzeko eskatu du
Errenteriako Udaleko Bozeramaileen Batzordeak Iztietako egoeraren berri emateko garaian objektibitateari lehentasuna emateko eskatu die hedabide guztiei: “Modu horretan, denok benetako eta egiaztatutako informazioa jasoko dugulako, eta Iztieta au...
Errenteriako Udaleko Bozeramaileen Batzordeak Iztietako egoeraren berri emateko garaian objektibitateari lehentasuna emateko eskatu die hedabide guztiei: “Modu horretan, denok benetako eta egiaztatutako informazioa jasoko dugulako, eta Iztieta auzoan elkarbizitza hobeagoa izaten lagunduko duelako”.
Iragan astean Iztietan izandako gertakarien harira egin du adierazpena udaleko bozeramaileen batzordeak. “Izandako gertakari deitoragarriak, auzoaren izena egunkari, irrati eta telebista kateetan ateratzera” eraman duela zehaztu du bozeramaileen batzordeak.
Halaber, alderdi guztien eledunak biltzen dituen mahaiak derrigorrezkoa iritzi dio informazio iturriak egiaztatzeari, eta albistea ikuspuntu guztietatik lantzeari, “gertatutakoaren sustraietan kokatu ahal izateko”.
Hainbat hedabidetan “gertakaria sinplifikatu” izana eta “lehendik dauden aurreiritziak elikatzen dituzten irakurketak” egin izana arbuiatu dute udal taldeek.
Horren harira, hainbat saltoki, pertsona edo kolektibok gertatutakoerakin zuzenean edo zeharka lotzen dituzten irudiak erabili izana salatu dute, “entzuleak edo irakurleak gehitu ditzakeelako. Baina horrek ez du lagundu informazioa objektiboa izateko bidean”.
Hori guztia dela eta, “objektibotasunari lehentasuna emateko” eskatu dute, “gehien-gehienetan egin ohi duten eran”.