2012ko aurrekontuen hasierako proposamena onartu dute Lezon
Datorren urteko udal aurrekontuen hasierako proposamena onartu zuten pasa den ostegunean Lezoko Udalbatzak. Bilduko zortzi zinegotziren (Lucia Aranburuk utzi egin du kargua, eta bere ordezko izango denak ez du kargurik hartu oraindik) aldeko botoekin atera zen aurrera proposamena. EAJk eta PSE-EEk kontra bozkatu zuten. Jeltzaleek orain dela aste batzuk egindako eskaerengatik bozkatu zuten kontra. Horrela, Bilduren kartelak kentzeko erabilitako diru partida koalizioak ordaintzeko eskatu zuten, baita Lezo aldizkariaren 5. zenbakiaren kostua ere. Horrez gain, jai egitaraua eurek ordaintzeko eskatu zuten eta aholkulariaren figura desagerrarazteko. Mikel Antxon Arrizabalaga sozialistak, aldiz, inbertsioen aldetik nahiko «pobrea» dela esan zuen. Horrez gain, Lizeoari diru laguntza ematea Eusko Jaurlaritzaren eskumena dela adierazi zuen. Horrez gain, UEMAri, presoen familiei eta “nazioarteko elkartasunari” bideratutako diru partidei kritikak ere egin zizkien. Bilduko Ainhoa Intxaurrandietak erantzun zion presoen familiei laguntzak ematen dizkietela bidaiaren gastuei aurre egiteko, «dispertsioari aurre egiteko», zehaztu zuenez. “Zure alderdiak badaki zerbait horri buruz”, gehitu zuen. Ogasun saileko beste lau puntu ere aztertu zituzten. Lau mozio EAJk eta PSE-EEk bakearen gaineko mozioa bertan behera utzi zuten, «egoera berriagatik». Bilduk, hala ere, presoen gaineko mozioa aurkeztu zuen, Gernikakko Akordioa eta Aietekoa betetzeko eskatuz. Euren botoekin atera zen aurrera. EAJ abstenitu eta PSE-EEk kontra [...]
Datorren urteko udal aurrekontuen hasierako proposamena onartu zuten pasa den ostegunean Lezoko Udalbatzak. Bilduko zortzi zinegotziren (Lucia Aranburuk utzi egin du kargua, eta bere ordezko izango denak ez du kargurik hartu oraindik) aldeko botoekin atera zen aurrera proposamena. EAJk eta PSE-EEk kontra bozkatu zuten.
Jeltzaleek orain dela aste batzuk egindako eskaerengatik bozkatu zuten kontra. Horrela, Bilduren kartelak kentzeko erabilitako diru partida koalizioak ordaintzeko eskatu zuten, baita Lezo aldizkariaren 5. zenbakiaren kostua ere. Horrez gain, jai egitaraua eurek ordaintzeko eskatu zuten eta aholkulariaren figura desagerrarazteko.
Mikel Antxon Arrizabalaga sozialistak, aldiz, inbertsioen aldetik nahiko «pobrea» dela esan zuen. Horrez gain, Lizeoari diru laguntza ematea Eusko Jaurlaritzaren eskumena dela adierazi zuen. Horrez gain, UEMAri, presoen familiei eta “nazioarteko elkartasunari” bideratutako diru partidei kritikak ere egin zizkien. Bilduko Ainhoa Intxaurrandietak erantzun zion presoen familiei laguntzak ematen dizkietela bidaiaren gastuei aurre egiteko, «dispertsioari aurre egiteko», zehaztu zuenez. “Zure alderdiak badaki zerbait horri buruz”, gehitu zuen. Ogasun saileko beste lau puntu ere aztertu zituzten.
Lau mozio
EAJk eta PSE-EEk bakearen gaineko mozioa bertan behera utzi zuten, «egoera berriagatik». Bilduk, hala ere, presoen gaineko mozioa aurkeztu zuen, Gernikakko Akordioa eta Aietekoa betetzeko eskatuz. Euren botoekin atera zen aurrera. EAJ abstenitu eta PSE-EEk kontra bozkatu zuen.
Genero indarkeriaren kontrako adierazpen instituzionala ere egin zuten. Horrez gain, EAJk Gipuzkoako Hiri Hondakinen Partzuergoaren proposamena eraman zuen plenora: hondakinak kudeatzeko plantaren alde, zabortegiak ixtearen alde eta birziklatzearen alde. Bilduren testu alternatiboa bozkatu zuten, euren aldeko botoekin.
Bestalde, 2010eko aurrekontuan 500.000 euroko ordainketak aurrekontutik pasatu ez zirela ikertzeko onartu zuten, Bilduko bi zinegotziren abstentzioarekin.