Gaurko ekitaldietan parte hartzeko deia egin du Oiartzungo Udalak
Oiartzungo Udalak, gaur azaroak 25, Emakumeenganako Indarkeriaren Aurkako Nazioarteko Egunaren aldarrikapenarekin bat egiten du, eta «emakumeen kontrako indarkeriak gizarte parekidean tokirik ez duenez», instituzio gisa bere esku dagoena egiteko konpromisoa hartua du. Oiartzungo Udalak emakumeen kontrako indarkeriari aurre egiteko politika integrala bultzatzea ezinbestekoa dela badaki: «Genero indarkeria egun bizi dugun arazo sozio-politiko nagusia dela ondoriozta daiteke bizi dugun egoerari erreparatuta; 2011n zazpi emakume hil dituzte Euskal Herrian; jaietan emakumeen askatasuna baldintzatzen duten eraso sexistak gehiago dira; lan-eremuko sexu-jazarpen datuak kezkagarriak dira; gazte askok sexuen arteko botere harreman patriarkala iraunarazten dute…». Egun honen harira herriko emakume taldeek antolatu dituzten ekimenetan parte hartzera gonbidatu ditu oiartzuarrak udalak. Film emanaldia: Arratsaldean, 17:00etan. Helduen Tailerren Karaez kaleko lokalean. Hector Oliveraren Antigua vida mía ikusteko aukera izango dute bertara hurbiltzen direnek. Josefa (Ana Belen) eta Violeta (Cecilia Roth) aspaldiko lagunak dira. Lehena, abeslari famatua da, abokatu batekin ezkonduta dago, eta bi seme ditu. Bigarrena, zaharragoa den idazle batekin ezkonduta dago eta haur bat eduki nahi du. Tratu txarrak jasaten hasiko da. Orduan biak konturatuko dira, euren bizitza ez dela perfektua. Elkarretaratzea: Arratsean, 19:30ean. Emakume taldeek elkarretaratzea deitu dute, plazan. 2012ko egutegiko argazkiak Gaurko egunaren harira, udalak publiko egin du datorren urteko egutegia osatuko duten hamabi argazkiak zein [...]
Oiartzungo Udalak, gaur azaroak 25, Emakumeenganako Indarkeriaren Aurkako Nazioarteko Egunaren aldarrikapenarekin bat egiten du, eta «emakumeen kontrako indarkeriak gizarte parekidean tokirik ez duenez», instituzio gisa bere esku dagoena egiteko konpromisoa hartua du.
Oiartzungo Udalak emakumeen kontrako indarkeriari aurre egiteko politika integrala bultzatzea ezinbestekoa dela badaki: «Genero indarkeria egun bizi dugun arazo sozio-politiko nagusia dela ondoriozta daiteke bizi dugun egoerari erreparatuta; 2011n zazpi emakume hil dituzte Euskal Herrian; jaietan emakumeen askatasuna baldintzatzen duten eraso sexistak gehiago dira; lan-eremuko sexu-jazarpen datuak kezkagarriak dira; gazte askok sexuen arteko botere harreman patriarkala iraunarazten dute…».
Egun honen harira herriko emakume taldeek antolatu dituzten ekimenetan parte hartzera gonbidatu ditu oiartzuarrak udalak.
- Film emanaldia: Arratsaldean, 17:00etan. Helduen Tailerren Karaez kaleko lokalean. Hector Oliveraren Antigua vida mía ikusteko aukera izango dute bertara hurbiltzen direnek. Josefa (Ana Belen) eta Violeta (Cecilia Roth) aspaldiko lagunak dira. Lehena, abeslari famatua da, abokatu batekin ezkonduta dago, eta bi seme ditu. Bigarrena, zaharragoa den idazle batekin ezkonduta dago eta haur bat eduki nahi du. Tratu txarrak jasaten hasiko da. Orduan biak konturatuko dira, euren bizitza ez dela perfektua.
- Elkarretaratzea: Arratsean, 19:30ean. Emakume taldeek elkarretaratzea deitu dute, plazan.
2012ko egutegiko argazkiak
Gaurko egunaren harira, udalak publiko egin du datorren urteko egutegia osatuko duten hamabi argazkiak zein izango diren. Izan ere, gizon-emakumeen arteko berdintasuna izango da datorren urteko udal egutegiaren gaia.
Argazki lehiaketako argazkien artean aukeratu dituzte hamabiak parekidetasunaren inguruan ardurak dituzten hautetsiek —Miren Irigoien Berdintasun zinegotziak eta Aiora Perez de San Roman alkateak—, eta herriko emakume taldeetako ordezkariek —Killirikupe eta Oiartzungo Emakume Taldea—.
Hamaika argazkilari oiartzuarren argazkiak aukeratu dituzte: Eihartze Aramendia; Allende Arnaiz; Oier Etxebeste; Ainara Lasa; Lide Martiarena; Aingeru Oiartzabal; Maider Olaizola; Maitane Orkaizagirre; Amaia Puente; Ariane Retegi eta Unai Samso (azken argazkilari horren bi argazki aukeratu ditu epaimahaiak). Hiru argazki onenek saria ere jasoko dute: Oiartzabalek, Orkaizagirrek eta Etxebestek ateratakoek, hain zuzen ere.
Egutegia ikusteko Gabonak arte itxoin beharko dute oiartzuarrek, orduan banatuko baitute.
