Etzi, mutxikoak dantzatzeko aukera izango da Gaztelu Zahar pilotalekuan, goizeko hamaika eta erdietatik aurrera, ordubetez.
Bihar, animazio filmak proiektatuko dituzte Mediatekan, 14:00etan eta 16:00etan.
Bihar, larunbata, eta etzi, igandea, txotxongilo ikuskizunak izango dira Mendi Zolan kulturgunean. Bihar, Hartz goxozalea ikuskizuna eskainiko du El Tenderete konpainiak, eta etzi, Leihotik mundura Kukubiltxo konpainiak. Bi ikuskizunak arratsaldeko...
Etzi, Mireia Pintoren (mezzosopranoa) eta Vladislav Bronevetzkyren (pianoa) kontzertua ikusteko aukera izango da. Amaia Kultur Zentroan izango da emanaldia, 20:00etan hasita. Mireia Pinto Luis Mariano Kantu Lehiaketako lehen ekitaldiko irabazlea izan z...
Oiartzungo Udalaren 2012ko egutegia osatuko duten hamabi argazkiak aukeratu dira. Gizon-emakumeen arteko berdintasuna izango da datorren urteko udal egutegiaren gaia. Argazki lehiaketan jaso diren argazki guztien artean aukeratu dituzte hamabi argazki hauek parekidetasunaren inguruan ardurak dituzten hautetsiek (Miren Irigoien Berdintasun zinegotziak eta Aiora Perez de San Roman alkateak) eta herriko emakume taldeetako ordezkariek (Killirikupe eta Oiartzungo Emakume Taldea). Hamaika argazkilari oiartzuarren argazkiak aukeratu dituzte: Eihartze Aramendia Iparragirre; Allende Arnaiz Garmendia; Oier Etxebeste Madariaga; Ainara Lasa Perez; Lide Martiarena Labandibar; Aingeru Oiartzabal Ribera; Maider Olaizola Del Campo; Maitane Orkaizagirre Oiarbide; Amaia Puente Paisal; Ariane Retegi Uria eta Unai Samso Galarza (azken argazkilari honen bi argazki aukeratu ditu epaimahaiak). Hiru argazki onenek saria ere jasoko dute: Oiartzabalek, Orkaizagirrek eta Etxebestek ateratakoek, hain zuzen ere. Egutegia osatuko duten argazki guztiak ikusteko Gabonak arte itxoin beharko dute oiartzuarrek, etxez etxe orduan banatuko baita egutegia.
Oiartzungo 6-12 urteko haurrei memoria egiten hasteko eskatu diete kale ekintzako antolatzaileek. Izan ere, bihar euskal tribialean jolastuko dira, 16:30etik aurrera, Doneztebe plazan. Euskal musika, kultura, geografia… galderak denetarikoak izan...
Herriko ostalaritza eta merkataritza elkarteek, udalaren laguntzarekin, Hondarribia Txartela aurkeztu dute. Erosketen bidez, bertako ostalaritza eta merkataritza aberastu nahi dute, eta aldi berean, txartelaren erabiltzaileak abantailak izango ditu: %5eko deskontuak urte bukaera arte, puntu-txekeak eskuratzeko aukera, edo zozketetan parte hartzeko eskubidea. Hondarribia Txartela doan da, eta egindako erosketak hiru hilabetean ordaindu ahal izango dira, interesik gabe. Erabiltzaileak erabakiko du zein banketxerekin egin ordainketak. Denda, taberna eta jatetxetan Txartelak Hondarribiko denda, taberna eta jatetxetan ordaintzeko aukera ematen du. «Txartelak ez du soilik erosketak egiteko balio, izan ere, taberna eta jatetxetan ordainketak egin daitezke, abantaila berdinekin», azaldu du Miguel Sotok, Ostalaritza Elkarteko zuzendariak. Gainera, abenduaren 31 baino lehen txartela eskatzen dutenek, «aparteko abantailak» izango dituztela nabarmendu du Sotok. Txartela eskuratzeko eskaera orria hiriko establezimenduetan eskura daiteke, eta Javier Ugarte kaleko Rural Kutxaren bulegoan aurkeztu behar dira.
Pasaia izango du bihar Hondarribiak aurrez aurre ligako hamabigarren jardunaldian. Hondartzan lehiatuko dira Oarso Bidasoko taldeak eta garaipen garrantzitsua izan daiteke hondarribiarrentzat. Hamaikagarren jardunaldia jokatuta, hamaikagarren postuan d...
Bihar jokatuko dituzte Paleta Goma modalitateko XVII. Txingudi Trinkete Txapelketako final laurdenak, Irungo Ramuntxo Berri trinketean. Jaialdia goizeko 11:15ean hasiko da. Lehen Mailan bi bikote ageri dira faborito bezala, orain arte galdu gabekoak biak: Larrarte-Santesteban (Ramuntxo) eta Sorzabalbere-Arrospide (Kurpil Kirolak). Lehen B Mailan Vila-Irigoien eta Alvarez-Leunda bikoteak partidarik galdu gabe iritsi dira finalerdien atarira. Finalerdiak abenduaren 10ean jokatuko dituzte, eta finalak abenduaren 17an.
Bi orduko lanuztea egin zuten lehengo asteazkenean Pasaiako Portuko lABeko zamaketariek. Lanuztearekin, “krisiaren aitzakiaz paiaratzen” ari diren erasoak salatu zituzten .
Gipuzkoako Ohorezko Erregional Mailako Oiartzungo mutilek bihar jokatuko dute asteburu honetako jardunaldia, 15:30ean, Karla Lekuona zelaian. Behobia taldea izango dute aurrean. Oiartzuarrak sailkapeneko bosgarrenak dira, liderretik bost puntura.
Etzi, Irun Hiria Musika Bandak kontzertua emango du Amaia Kultur Zentroan, 12:00etatik aurrera. Sarrera doan da.
Pasa den asteburuko atsedenaldiaren ondoren, neskek etzi dute asteburu honi dagokion partida. San Juan taldearen kontra jokatuko dute, 12:00etan, Iruñeako San Juan zelaian. Liderrak dira oiartzuarrak, bigarrenetik bi puntura, eta postu horri eusten ah...
Bihar Euskal Herriko Hitz Gurutzatuen V. Txapelketa jokatuko da Irunen, OLA Sagardotegian, LUMA aldizkariak antolatuta eta Irungo Udalaren babesarekin. Lehiakideek lau taula bete beharko dituzte, lehenengo hirurak egiteko 45 minutu izango dituzte eta finalekoa betetzeko ordubete: 10 x 10 laukiko taula kanporaketako I. saioan, 11 x 11 laukiko taula kanporaketako II. saioan, 12 x 12 laukiko taula finalaurrekoan, eta 15 x 15 laukiko taula finalean. Kanporaketako bigarren saioaren ondoan egingo da aurreneko bereizkuntza, hamasei lehiakide igaroko baitira finalaurreko saiora. Azkenik, lau lagunek hartuko du parte finalean. Lehiaketa amaituta, bazkaria izango da nahi duten guztientzat, gainera, animazioa ez da faltako: bertsolariak, trikitilariak, txaranga… 16:00ak aldera izango da sari-banaketa eta honekin bukatuko da txapelketa. Irabazleak txapela eta 350 euro jasoko ditu, bigarrenak 225 euro, hirugarrenak 120, eta laugarrenak 60. Bosgarrenetik hamaseigarrena arte geratzen direnentzat 20na euroko diru saria dago.
Antxotarrok Historia Mintegiak Pasai Antxoko musikariei keinua egin die gaur zabalduko duten erakusketan. Barrutiaren historiarekin estu lotuta dago musika Azaroak eta Antxotarrok Historia Mintegiak harreman zuzena dute. Pasaiako barrutiko eragileak zazpigarren erakusketa jarriko du abian gaur arratsean. Sanferminen inguruan eta negua sartzen denean antolatzen dituzte erakusketak mintegiko kideek, eta nola ez, aurten ere ez dute hutsik egin. Antxoko Musikariak izenburua jarri diote mostra berriari, gaur zabalduko dute, eta abenduaren 4ra arte ikus daiteke Kultur Etxeko areto nagusian. Antxoko musikaren historia bilduko du erakusketak. Horretarako, ehun argazki baino gehiago prestatu dituzte Antxotarrok Historia Mintegiko kideek. Argazkiak herritarrek utzitakoak dira, aurreko sei erakusketetakoak bezala: «Antxoko herritarrek eskuzabaltasun handia erakutsi dute Pasaiako fototeka handia osatzeko. Horretarako dei berezirik egin behar izan gabe, 112 antxotarrek utzi dizkigute argazkiak. Horiek denak omentzeko ere bada erakusketa hau, eta eredu horri esker, lagatzaile berriak irabazteko». Gelasio Aranbururen Scola Cantorum, Coral Pasaitarra, barrutiko txaranga eta fanfareak, sanferminetako peñak, Oskarbi… Partitura artean bizi izan diren antxotarren kronika da Kultur Etxean gaur zabalduko dutena. Antxoko plano zaharra Erakusketan, ordea, ez zaio bakarrik musikari keinua egingo. Izan ere, XX. mendearen hasierako Antxoko planoa ikusteko aukera izango dute ekimenarekin bat egingo dutenek. Historia Mintegiko kideen arabera, 1911. urte ingurukoa da plano hori [...]
Oiarpeko pilotariek lau partida jokatuko dituzte gaur, 19:15etik aurrera, Madalensoro pilotalekuan. Oiarpeko partiden ondoren, palaren txanda izango da. Txosteko pilotariak larruzko paletarekin jokatuko dute Lehen Mailako partida bat: Txost-Real Socied...
Mendi Zolan kulturguneak eta Art and Project sortzaile gazteen Ipar Euskal Herriko plataformak Francisco Dussourd artistaren erakusketa antolatu dute aste honetarako, Zokoburuko aretoan. Portzelanazko lanak bildu ditu Dussourdek Primor eta En casa come...
Maria Rubio irundarrak grabatutako Run the world, fix the world (Korri egin mundua, konpondu mundua) izenburuko bideoak aukera asko ditu Bahco lanabes enpresak antolatutako Bahcotheoriginal nazioarteko lehiaketa irabazteko. Bahcotheoriginal Internet bi...
Emakumeenganako Bortizkeriaren kontrako nazioarteko eguna da gaur, eta horren harira, mobilizazioak daude deituta gaurko. Trintxerpen, indarkeriari buruzko hausnarketa egingo da, Emea eta Anitza sailaren film laburrak ikusi ondoren, Trintxerpeko Al...
Udaleko Euskara Sailak antolatuta, Neguko Jardunaldiak aurrera doaz, eta abenduaren 10ean bertso afaria egingo dute Klink elkartean. Bertsozaleek Beñat Gaztelumendi eta Uxue Alberdi bertsolarien saioaz gozatzeko aukera izango dute. Bertara joateko sa...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
