TAOko hiru langileen kaleratzea “bidegabea” dela esan du epaitegiak
Donostiako Gizarte Gaietarako Epaitegiak erabaki du TAOko hiru langileen kaleratzea «bidegabea» izan dela. Eyssak —Irungo TAO eta garabi zerbitzuak kudeatzen dituen enpresa— “TAO makinetan zabor poltsak jartzeagatik” kaleratu zituen hiru langile horiek, TAOko langileen grebaren harira. Epaitegiko magistratuaren arabera, “inolaz ere ez zuten merezi langile horiek kaleratzeko agindua”. Hala, Oarso Bidasoko ELAk epaiaren gaineko irakurketa egin du: “Sententziak berretsi du langileen eskubide oinarrizkoenak urratu zituela Eyssak”. ELAren ustez, orain, hiru langileak berriz ere onartu behar ditu Eyssak, eta hori argudiatzeko epaiari aipamena egiten diote sindikatuko kideek: “Gaiaren bilakaera bidegabea izan delako, eta kaleratzea ere bidegabea izan denez, langileei eman beharreko kalte-ordaina izugarria izango litzateke. Hortaz, hiru langileak berriz ere onartzeko galdegiten diogu Eyssari. ELAn ez dugu beste hipotesirik esku artean”. Epaia Donostiako Gizarte Gaietarako Epaitegiko magistratuaren arabera, TAO makinetan poltsak jartzea, sektorearen lan hitzarmenaren arabera, ez da langile bat kanporatzeko adinako arrazoia, “makina horiek ez zirelako zerbitzutik kanpo utzi, hautsi, edo desegin”. Hala, maiatzaren 23ra arte —TAOko langileek apirilaren 1ean hasi zuten greba—, makina horiek poltsekin tapatuta egotea Eyssak “baimendu” zuela dio sententziak, eta beraz, “kalteak oso-oso txikiak” izan zirela. Bildu: “Onartzea ez den beste ezer ez dugu ontzat ematen” Irungo Bilduk, TAO zerbitzutik kanporatutako hiru langileen epaiaren harira, bere [...]
TAO makina bat, greba bitartean
Donostiako Gizarte Gaietarako Epaitegiak erabaki du TAOko hiru langileen kaleratzea «bidegabea» izan dela. Eyssak —Irungo TAO eta garabi zerbitzuak kudeatzen dituen enpresa— “TAO makinetan zabor poltsak jartzeagatik” kaleratu zituen hiru langile horiek, TAOko langileen grebaren harira. Epaitegiko magistratuaren arabera, “inolaz ere ez zuten merezi langile horiek kaleratzeko agindua”. Hala, Oarso Bidasoko ELAk epaiaren gaineko irakurketa egin du: “Sententziak berretsi du langileen eskubide oinarrizkoenak urratu zituela Eyssak”.
ELAren ustez, orain, hiru langileak berriz ere onartu behar ditu Eyssak, eta hori argudiatzeko epaiari aipamena egiten diote sindikatuko kideek: “Gaiaren bilakaera bidegabea izan delako, eta kaleratzea ere bidegabea izan denez, langileei eman beharreko kalte-ordaina izugarria izango litzateke. Hortaz, hiru langileak berriz ere onartzeko galdegiten diogu Eyssari. ELAn ez dugu beste hipotesirik esku artean”.
Epaia
Donostiako Gizarte Gaietarako Epaitegiko magistratuaren arabera, TAO makinetan poltsak jartzea, sektorearen lan hitzarmenaren arabera, ez da langile bat kanporatzeko adinako arrazoia, “makina horiek ez zirelako zerbitzutik kanpo utzi, hautsi, edo desegin”. Hala, maiatzaren 23ra arte —TAOko langileek apirilaren 1ean hasi zuten greba—, makina horiek poltsekin tapatuta egotea Eyssak “baimendu” zuela dio sententziak, eta beraz, “kalteak oso-oso txikiak” izan zirela.
Bildu: “Onartzea ez den beste ezer ez dugu ontzat ematen”
Irungo Bilduk, TAO zerbitzutik kanporatutako hiru langileen epaiaren harira, bere irakurketa propioa egin du: “Hiru langileak berriz ere onartzea ez den beste ezer ez dugu ontzat ematen”. Langileei kalte-ordainak eman baino, horiek Eyssak bere langile taldean txertatzeko aukeraren alde agertu dira, “krisi testuinguru honetan kalte-ordain bezala langile horiei 100.000 euro ematea ez genuko ulertuko, bidegabeak izan diren kaleratze horiek mantentzeko”.
Bestalde, Irungo Bilduk jakinarazi du Eyssako zonaldeko arduradunarekin harremanetan jarri dela, epaiaren aurrean enpresaren jarrera zein den jakiteko, eta eurena jakinarazteko: “Arduradun horrek esan digunez, enpresak ez du oraindik bere jarrera erabaki”.
Aldi berean, Oinatz Mitxelena buru duen alderdiak deia egin die “herritar, erakunde eta eragile guztiei langile horien berronarpenaren alde egiteko”.
