Sexuen arteko berdintasuna bermatzeko proposamena egin du Bilduk
Udal ordenantza bat onartzea proposatu du, Berdinketaren Agentearen irudia sortzeko Hondarribian Hondarribian emakume eta gizonen arteko berdintasuna bermatzeko lan egiten duten elkarte eta eragileek, baita Bilduk ere, Berdintasunaren Agentearen irudia...
Udal ordenantza bat onartzea proposatu du, Berdinketaren Agentearen irudia sortzeko Hondarribian
Hondarribian emakume eta gizonen arteko berdintasuna bermatzeko lan egiten duten elkarte eta eragileek, baita Bilduk ere, Berdintasunaren Agentearen irudia sortu nahian, udal ordenantza bat onartzea proposatu dute. Duela 14 urte onartu zuten Udal Planean, emakume eta gizonen arteko berdintasuna bermatzeko ekintzak aurreikusi ziren, “baina azken horiek ez dira bete espero zen moduan”, azaldu du Bilduk.
Herriko hainbat elkartek, kolektibok eta Bilduk, duela 14 urte onartu zuten plana “zaharkituta” geratu dela uste dute, hortaz, ezinbestekotzat jotzen dute Hondarribiko Udalak “sexuen arteko berdintasuna bermatzeko zeregina aurrera eramateko tresna bat eskaintzea”.
Berdintasunaren Agentea
Lehenengo urrats bezala, plan berria egin bitartean, udal ordenantza bat onartzea proposatu du Bilduk, eta Berdintasunaren Agentearen irudia sortu nahi dute. Proposamena aurrera ateratzeko bidean, herenegun, udal ordenantzaren proposamenaren zirriborroa aurkeztu zien Bilduk bai Gobernu Taldeari, bai oposizioan dauden beste taldeei ere.
Hiriko hainbat eragilek egindako Emakumearentzako Kontseiluaren eskaria babestu du Bilduk, “non berdintsasunaren alde lan egiten duten elkarteak, saregileak, emakume senegaldarrak, Jaizkibel konpainia, edo berdintasunaren alde lan egiteko gogoa duten, baina elkartekide ez diren emakumeak egongo liratekeen”.
