Braulio eta Txufas, asto eta idien deman
Desafioa bota eta hartu. Eneko Sein (Donibane, 1992) sanjuandarrak, Braulio eta Txufas astoak eramango ditu etzi Hernialdera, baina ez ohiko jardunetara. Hango plazan Anoetako Joakin Garmendiaren idi parea izango dute zain. Ordu erdiko lanean, zeinek plaza gehiago egin. Horixe apustua. Herrestan 450 kiloko harria eraman beharko dute Seinen astoek, eta 750 kiloko harria Garmendiaren idiek. Jokoan 1.500 euro. Euskal astoak hazi eta zaintzen dituelako Euskal Herriko hamaika bazterretan da ezaguna Eneko Sein sanjuandarra. Hara eta hona ibiltzen da, jairik jai, bere astoekin; lasterketak direla, erakustaldiak direla, azokak, jaiak … Baina oraingoan egiteko berria izango dute Seinen astoek. Desafioa. Orain baino lehen izan du apusturako tentazioa, baina sekula gauzatu ez. “Lezon egitekotan izan ginen. Gizon proba orain Hernialdera eramango ditudan asto pare honen kontra, baina azkenean bertan behara geratu zen”, gogoratu du Seinek. Sanmartinetan Hernialdeko jaietan sortu zen desafioaren ideia, abuztuan, halakoak sortu ohi diren legez, mahaiaren bueltan eta ordu txikitan. Seinek bota zuen desafioa, eta hangoek hartu eta data jarri zuten. “Larunbatean Hernialden zerria hiltzen dute, eta ondoren bazkaria dago”, zehaztu du Seinek. Izan ere, bihar da San Martin eguna eta desafioa ere sanmartinetan antolatutakoen barruan kokatu dute. 22:00etan jarri dute hasiera ordua. Sarrera libre da, doan [...]
Desafioa bota eta hartu. Eneko Sein (Donibane, 1992) sanjuandarrak, Braulio eta Txufas astoak eramango ditu etzi Hernialdera, baina ez ohiko jardunetara. Hango plazan Anoetako Joakin Garmendiaren idi parea izango dute zain. Ordu erdiko lanean, zeinek plaza gehiago egin. Horixe apustua. Herrestan 450 kiloko harria eraman beharko dute Seinen astoek, eta 750 kiloko harria Garmendiaren idiek. Jokoan 1.500 euro.
Euskal astoak hazi eta zaintzen dituelako Euskal Herriko hamaika bazterretan da ezaguna Eneko Sein sanjuandarra. Hara eta hona ibiltzen da, jairik jai, bere astoekin; lasterketak direla, erakustaldiak direla, azokak, jaiak … Baina oraingoan egiteko berria izango dute Seinen astoek. Desafioa. Orain baino lehen izan du apusturako tentazioa, baina sekula gauzatu ez. “Lezon egitekotan izan ginen. Gizon proba orain Hernialdera eramango ditudan asto pare honen kontra, baina azkenean bertan behara geratu zen”, gogoratu du Seinek.
Sanmartinetan
Hernialdeko jaietan sortu zen desafioaren ideia, abuztuan, halakoak sortu ohi diren legez, mahaiaren bueltan eta ordu txikitan. Seinek bota zuen desafioa, eta hangoek hartu eta data jarri zuten. “Larunbatean Hernialden zerria hiltzen dute, eta ondoren bazkaria dago”, zehaztu du Seinek. Izan ere, bihar da San Martin eguna eta desafioa ere sanmartinetan antolatutakoen barruan kokatu dute.
22:00etan jarri dute hasiera ordua. Sarrera libre da, doan eta euro baten truke, saski baten zozketarako txartela eskuratuko dute hara biltzen direnek.
Abuztuaz geroztik
Bi egunetik behin ibili ditu astoak Hernialden Seinek, abuztuaz geroztik, entrenatzen. Astoak prest daudela uste du, baina badu kezka bat: “Astoak plazan zein jokabide hartuko duten inork ez daki. Zuk nahi eran prestatu ditzakezu astoak, baina azkenean plaza erdian geldi geratzen badira…”. Kezkak kezka, lan polita egitea espero du Seinek. “Idi parearentzako 750 kilo gutxi da, baina ordu erdiko lana egin behar da eta ordu erdiak ikaragarri luze jotzen du”.
Braulio eta Txufas, biak dira asto saiatuak, plazara ohituak, baita karga eramaten ere, indartsuak, baina ordu erdiko lanean idien pare tira egiteko prest egongo ote diren ikusi behar.
Eneko Sein sanjuandarra
