Urak eraman duen gizon baten bila dabiltza Irunen

admin

2011/11/07

Oiartzungo Altzibar auzoan, herritarrak ura ateratzen

Asteburuko euri jasek hainbat kalte eragin dituzte ordu gutxietan Euskal Herrian. Horietatik garrantzitsuena atzo arratsaldean. Baratzean lanean ari zen 76 urteko gizonezko bat ubidera erori zen, eta urak eraman zuen. Bila aritu ziren baina aurkitu ez zutenez, gaur goizean ekin diote berriz ere bilaketa lanei, 09:00etan. Katea auzoan desagertu zen gizona, eta Herrizaingo Sailetik jakinarazi dute bost talde dabiltzala gizona bilatzen: Ertzaintzako, DYAako, Babes Zibileko eta Irungo nahiz Hondarribiko udaltzaingoetako kideek osatzen dituzte talde horiek. Bestalde, Oiartzun ibaiak gainezka egin zuen atzo, itsasgorarekin, Errenteria-Oreretako Lartzabal eta Fanderia auzoetan. Lartzabalen, bertako babes ofizialeko etxeetako etxabeak urak hartu zituen. Etxebizitza multzo horretako 9, 11, 13, 15 eta 17 zenbakietako beheko solairuetara sartu zen ura, eta 19 sotora ez zen sartu, maldan dagoelako. Lartzabalen dauden kirol kantxetaraino ere iritsi zen ura, eta bertako bidegorria itxi behar izan zuten. Irunen, udalak segurtasun protokoloa ezarri zuen, eta Behobian jarri zituzten uhateei esker ez zen ura etxeetara iritsi. Hala ere, bertako zenbait baratze urez gainezka izan ziren atzo eguerditik aurrera. Herrizaingo Sailak alerta egoera bertan behera utzi du, denboralea Bizkaia aldera joan delako.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Urak eraman duen gizon baten bila dabiltza Irunen

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean