Jon eta Alaia Martinek Gpuntuko finalerdietarako txartela eskuan dute

admin

2011/11/01

Jon Martin, Idiazabalgo saioan

Jon Martin eta Alaia Martin anai-arreba oiartzuarrek Gpuntua Gipuzkoako Bertsolaritza Txapelketako finalean egoteko urrats garrantzitsua egin dute asteburuan. Herenegun, Idiazabalgo final-laurdenetako saioan lehena izan zen Jon Martin, eta larunbateko Hondarribiko saioan bigarrena Alaia Martin. Hala, zuzenean pasatu da finalerdietara Jon, eta emantzat jo daiteke Alaia finalerdietan egongo dela, bigarren postuan sailkatu arren, puntuazio oso altua lortu zuelako. Asteburuan lehian izan den Oarsoaldeko hirugarren bertsolaria, Haritz Casabal antxotarra, txapelketatik kanpo gelditu da, Hondarribian ez baitzuen espero zuen maila erakutsi. Aitor Sarriegik irabazi zuen Hondarribiko saioa. Txingudi Bertso Eskolak eta Gipuzkoako Bertsozale Elkarteak antolatutako saioan, indartsu, seguru eta erregular ibili zen Sarriegi, sendo arrazoiketan eta bertsoaren joskeran. Alaia Martin ez zen atzean ibili, eta gaika egindako lanean nabarmendu zen batik bat, bertsoa osatzeko eta sentiarazteko abilezia erakutsi zuelako. Lanaldi oso osatua egin zuen. Garaipen argia Herenegungo Idiazabalgo saioan lanaldi orekatuena, erregularrena eta sendoena egin zuen Jon Martinek. Agurretik garbi utzi zuen oiartzuarrak gozatzera atera zela oholtzara, eta horrek lortutako emaitzan zerikusi zuzena izan zuen. Igarondo pilotalekuan bildu ziren 750 ikusleek Martindarren zaharrenarekin ederki asko gozatu zuten. Saio ona izan zen Idiazabalgoa oro har, eta horregatik, Hondarribian baino puntu gehiago lortu zituzten sei bertsolariek. Arkaitz Oiartzabal Xamoa-k hilaren 6an izango du final-laurdenetako saioa, Azpeitiko Izarraitz pilotalekuan, 17:30ean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Jon eta Alaia Martinek Gpuntuko finalerdietarako txartela eskuan dute

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean