Luberrirekin eta Herri Musikaren Txokoarekin lankidetza berritu du udalak
Herriko bi museoekin lankidetza hitzarmenak berritzea onartu du udalak. Aurrerantzean, Herri Musikaren Txokoak eta Luberri Ikasgune Geologikoak fundazio bana osatuko dute, eta berauetan parte hartuko du udalak. Aiora Perez de San Roman alkatea eta Asier Legorburu Kultura zinegotzia izango dira udalaren ordezkariak bi fundazioetan. Herri Musikaren Txokoaren kasuan, higiezinak eta finantziazioa jarriko ditu udalak eta, materiala eta giza taldea Herri Musikaren Txokoak. Luberriren kasuan, udalak lokal bat uzteko eta museoa finantzatzeko konpromisoa hartu ditu bere gain. Luberrik materiala, beste lokal bat eta giza taldea jarriko ditu. Hitzarmen horiek Bilduko kideen aldeko botoarekin atera ziren aurrera (EAJ abstenitu egin zen eta H1 ez zegoen udalbatzarrean) herenegun. Ordenantza fiskalak %3 2012ko udal ordenantza fiskalak ere onartu zituen udalbatzarrak, Gobernu Taldearen aldeko botoekin (EAJ abstenitu egin zen). KPIren arabera igoko dira 2012ko tasak Oiartzunen: %3 inguru. B estalde, dieta eta protokolo gastuen berri eman zuten udalbatzarrean, Kode Etikoa onartu zenetik egin ohi duten bezala. Udalbatzarrean jakinarazi zutenez, irailean ez du protokolo gasturik egin alkatetzak. Era berean, EAJko Mikel Idiazabal zinegotziak Batzokiaren bazterrean dauden pintaketak garbitzeko egindako eskaera zertan den galdetu zuen. Alkateak pintaketa horiek garbitzeko agindua emana dagoela azaldu zion. Euskal Herriak bizi duen egoeraz, adierazpena Alkateak Bilduren adierazpen instituzionala ere irakurri zuen [...]
Herriko bi museoekin lankidetza hitzarmenak berritzea onartu du udalak. Aurrerantzean, Herri Musikaren Txokoak eta Luberri Ikasgune Geologikoak fundazio bana osatuko dute, eta berauetan parte hartuko du udalak. Aiora Perez de San Roman alkatea eta Asier Legorburu Kultura zinegotzia izango dira udalaren ordezkariak bi fundazioetan.
Herri Musikaren Txokoaren kasuan, higiezinak eta finantziazioa jarriko ditu udalak eta, materiala eta giza taldea Herri Musikaren Txokoak. Luberriren kasuan, udalak lokal bat uzteko eta museoa finantzatzeko konpromisoa hartu ditu bere gain. Luberrik materiala, beste lokal bat eta giza taldea jarriko ditu.
Hitzarmen horiek Bilduko kideen aldeko botoarekin atera ziren aurrera (EAJ abstenitu egin zen eta H1 ez zegoen udalbatzarrean) herenegun.
Ordenantza fiskalak %3
2012ko udal ordenantza fiskalak ere onartu zituen udalbatzarrak, Gobernu Taldearen aldeko botoekin (EAJ abstenitu egin zen). KPIren arabera igoko dira 2012ko tasak Oiartzunen: %3 inguru. B
estalde, dieta eta protokolo gastuen berri eman zuten udalbatzarrean, Kode Etikoa onartu zenetik egin ohi duten bezala. Udalbatzarrean jakinarazi zutenez, irailean ez du protokolo gasturik egin alkatetzak.
Era berean, EAJko Mikel Idiazabal zinegotziak Batzokiaren bazterrean dauden pintaketak garbitzeko egindako eskaera zertan den galdetu zuen. Alkateak pintaketa horiek garbitzeko agindua emana dagoela azaldu zion.
Euskal Herriak bizi duen egoeraz, adierazpena
Alkateak Bilduren adierazpen instituzionala ere irakurri zuen herenegungo udalbatzarrean, azken bi urteetan egin den prozesuaren, joan den asteko Aieteko Bake Konferentziaren eta ETAk armak behin betiko utzi dituela esanez plazaratutako agiriaren harira, Euskal Herriak bizi duen egoeraz: “Elkarrizketari ekiteko garaia da”.
“Gizarte osoak bere sentituko duen behin betiko bakea lortzeko eragile askoren babesa duen Gernikako Akordioak exijitzen dituen neurri guztiak betetzea beharrezkoa da”, dio alkateak irakurritako idatziak. ETAren erabakia “aukera historikoa” dela ere badio eta Espainiako zein Frantziako gobernuei “denbora galdu gabe balia dezatela” eskatzen dio. Bilduk argi du: “ETAren erabakiak ez du gatazka politikoa desagerraraziko. Euskal Herria herri bezala aitortua izateak eta etorkizuna libreki erabaki ahal izateak soilik berma dezake konponbidea”.
“Indar politiko guztiek berdintasunezko baldintzetan aritzeko aukera eta eskubidea bermatu behar da”, adierazi du Bilduk eta “azken hitza herritarren esku utzi beharra” nabarmendu du, “hori baita demokrazian oinarritutako bakea eraikitzea”.
Instituzio gisa, arduraz jokatuko duela adierazi du udaleko Bilduk. Era berean, herritarrei dei egin die “irekitako prozesua bultzatu, babestu eta sostengatzeko”.
(Adierazpen osoa hemen irakur daiteke)
