Gipuzkoako eraikuntzako langabeek elkarretaratzea egin dute Irunen lehen aldiz
Herrialdeko lan hitzarmen bete dezaten exijitzeko Gipuzkoako Eraikuntzako Langabetuen Plataformak elkarretaratzea egin zuen atzo San Juan Harria plazan, udaletxearen parean. Hogeita hamarretik gora lagun elkartu ziren, eta haiekin batera, Bildu eta Ezker Batuko zenbait zinegotzik egon nahi izan zuten. Plataformako bozeramaile Rafa Lorentek ekintzaren arrazoia azaldu zuen: “Lan hitzarmena betetzea besterik ez dugu eskatzen. Milaka gara arloan lanik gabeak, eta lan publikoetan ituna betearaziz gero, ez lirateke hainbeste izango. Ez dugu nahi etorkinik ez etortzea, hori ez, baina datozenak hitzarmenaren barruan lan egin dezaten eskatzen dugu, baldintza duinetan”. Lorentek Bilduko eta Ezker Batuko ordezkarien sostengua eskertu zuen, eta kexu agertu zen beste alderdietako zinegotziak elkarretaratzera hurbildu ez zirelako. “Langabetuen ondoan zeintzuk dauden argi geratu da gaur [atzo]“, gehitu zuen. Bestalde, arratsaldeko udalbatzarrera agertzeko asmoa agertu zuten plataformako kideek, zinegotziei aldarrikapenen dekalogoa banatzeko. Proposamena Aldundian Atzokoa, Gipuzkoako eraikuntzako lanik gabekoek Irunen egindako lehen ekintza da, baina gehiago egiteko asmoa agertu zuten, “hirian langabeziaren arazoa handia delako, baita eraikuntzaren arloan ere”. Uda aurretik eratu zuten taldea, eta azken hilabeteetan informazio kanpainia egin dute herrialdean, zenbait leku publikoetan jarritako pankartak baliatuz. Hilaren 10ean, Gipuzkoako Foru Aldundiaren aurrean elkarretaratzea egin zuten, eta hainbat alderdietako ordezkariekin elkartu ziren, baita Martin Garitano ahaldun nagusiarekin ere. Azaroaren [...]
Obra publikoetan lan hitzarmena betetzeko eskaria egin zuten eraikuntzako langabetuek
Herrialdeko lan hitzarmen bete dezaten exijitzeko Gipuzkoako Eraikuntzako Langabetuen Plataformak elkarretaratzea egin zuen atzo San Juan Harria plazan, udaletxearen parean. Hogeita hamarretik gora lagun elkartu ziren, eta haiekin batera, Bildu eta Ezker Batuko zenbait zinegotzik egon nahi izan zuten.
Plataformako bozeramaile Rafa Lorentek ekintzaren arrazoia azaldu zuen: “Lan hitzarmena betetzea besterik ez dugu eskatzen. Milaka gara arloan lanik gabeak, eta lan publikoetan ituna betearaziz gero, ez lirateke hainbeste izango. Ez dugu nahi etorkinik ez etortzea, hori ez, baina datozenak hitzarmenaren barruan lan egin dezaten eskatzen dugu, baldintza duinetan”.
Lorentek Bilduko eta Ezker Batuko ordezkarien sostengua eskertu zuen, eta kexu agertu zen beste alderdietako zinegotziak elkarretaratzera hurbildu ez zirelako. “Langabetuen ondoan zeintzuk dauden argi geratu da gaur [atzo]“, gehitu zuen. Bestalde, arratsaldeko udalbatzarrera agertzeko asmoa agertu zuten plataformako kideek, zinegotziei aldarrikapenen dekalogoa banatzeko.
Proposamena Aldundian
Atzokoa, Gipuzkoako eraikuntzako lanik gabekoek Irunen egindako lehen ekintza da, baina gehiago egiteko asmoa agertu zuten, “hirian langabeziaren arazoa handia delako, baita eraikuntzaren arloan ere”. Uda aurretik eratu zuten taldea, eta azken hilabeteetan informazio kanpainia egin dute herrialdean, zenbait leku publikoetan jarritako pankartak baliatuz.
Hilaren 10ean, Gipuzkoako Foru Aldundiaren aurrean elkarretaratzea egin zuten, eta hainbat alderdietako ordezkariekin elkartu ziren, baita Martin Garitano ahaldun nagusiarekin ere. Azaroaren 20ko hauteskundeen aurretik, foru arau bitartez lan publikoetan herrialdeko hitzarmena bete dadila arautzeko eskaera egin zioten Garitanori.
Heldu den astelehenean, Aldundian ordezkaritza duten alderdiekin bilera sorta amaituko du plataformak.
