Alkateak Oinaurrera egin zuen bisita kritikatu du oposizioak
Irungo EAJk, Bilduk, PPk eta EBk Irunvin dituzten kontseilariek salatu dute Oinaurreko hirigintza garapenaren berri izateko alkateak egin zuen bisitara ez zituztela gonbidatu. Irunvi elkarte publikoaren bitartez kudeatzen ari dira Oinaurreko lanak, eta...
Irungo EAJk, Bilduk, PPk eta EBk Irunvin dituzten kontseilariek salatu dute Oinaurreko hirigintza garapenaren berri izateko alkateak egin zuen bisitara ez zituztela gonbidatu. Irunvi elkarte publikoaren bitartez kudeatzen ari dira Oinaurreko lanak, eta Jose Antonio Santano alkateak hilaren 7an egin zuen bisita lan horien garapenaren berri zuzenean izateko.
Hori dela eta, Irunviren Administrazio Kontseiluaren bilera deitu dezan eskatu dute udaleko oposizioko alderdiek adostu duten testuan, “gonbidatuak ez izatearen arrazoiak eta ondorioak aztertzeko”.
Haustekundeen harira
Oposizioko alderdiek uste dute horrelako “huts egiteak eta ahazteak” maiz gertatzen direla “hauteskunde garaietan”. Hala, Udalbatzak onartutako egitasmoen garapena ezagutzeko aukera izan dezatela ere eskatu dute Xabier Iridoyk (EAJ), Oinatz Mitxelenak (Bildu), Juana Bengoetxeak (PP) eta Manuel Millanek (EB); Irunviko kontseilariak dira horiek guztiak. “Kontseilari guztiek dute interesa obren garapenean. Ez dezagun ahaztu bertako estatutuetan kudeaketa ardura esleitzen zaiela”.
Oinaurreko 6.2.01 eremuko zatitako plana 2007ko urriaren 31n onartu zuen aho batez orduko Udalbatzak.
