Bixi-Bixi: “Nazioa gara” (gutuna)
Atzo, urriak 12, nonbait, espainiarrek bazuten zer ospatu. Euskaldunok, ordea, argi zein ozen adierazi nahi izan genuen guretzat lanegun arrunta izan beharko lukeela. Eta, horretarako, hain zuzen ere, Bixi-Bixi kultur elkarteko kideok nahiz Bai Euskal ...
Atzo, urriak 12, nonbait, espainiarrek bazuten zer ospatu. Euskaldunok, ordea, argi zein ozen adierazi nahi izan genuen guretzat lanegun arrunta izan beharko lukeela. Eta, horretarako, hain zuzen ere, Bixi-Bixi kultur elkarteko kideok nahiz Bai Euskal Herriarik ekitaldi berezi bat antolatu genuen Pasai Donibaneko Piedadean. Txalapartarien hotsen, bertsolariaren bertsoen, dantzariaren aurreskuaren nahiz bertaratutakoen aldarrikapenen bidez, besteak beste, nazioa garen mezua zabaldu genuen laino guztien azpitik eta sasi guztien gainetik.
Nahikoa gaitasun dugu hainbeste amestutako burujabetza eta independentzia lortzeko, baina jakin badakigu helburu horiek lortzearren, malda malkartsuak igo beharko ditugula. Nolanahi ere, guk gurean jarraitu behar dugu, lanean, borrokan…egunen batean garaipena lortuko dugun itxaropenez beteta. Beraz, nahi adina uzta biltzeko, hazia ereiten jarraituko dugu.
