Gaur jairik ez Errenteria-Oreretan eta Oiartzunen
Urriaren 12a da gaur, Espainiako jai eguna. Hispanitatearen Eguna zehazki, militarrena eta Guardia Zibilarena. Euskal Herriari dagokionez, «jai egun arrotza» dela salatu dute Oiartzunen eta Errenteria-Oreretan, eta «intsumisioa» egin dute. Goizean,...
Urriaren 12a da gaur, Espainiako jai eguna. Hispanitatearen Eguna zehazki, militarrena eta Guardia Zibilarena. Euskal Herriari dagokionez, «jai egun arrotza» dela salatu dute Oiartzunen eta Errenteria-Oreretan, eta «intsumisioa» egin dute.
Goizean, 10:00etatik, aurrera, herri eskola egin dute Haurtzaro Ikastolan. Bertan bildu dira Elizalde ikastetxeko eta Haurtzaroko hainbat ikasle. Elkarrekin gosaldu dute, eta ondoren, Hezkuntzaren bilakaera Oiartzunen izeneko hitzaldia entzun zuten. Azken urteetan hezkuntza herrian nola aldatu den ezagutzeko aukera izan dute gazteek, Ikasle Abertzaleak taldeak egindako deialdiaren harira.
Ondoren, 12:30ean, Errenteria-Oreretara jaitsi dira. Bertako ikasleekin elkartu eta eskualde mailako elkarretaratzea egin dute.
