Gaztelekuko ikastaroetarako izena eman daiteke, etzi arte
Martindozenea Gaztelekuak urrian, azaroan eta abenduan egingo dituen ikastaroetan parte hartu nahi dutenek izena emateko duten epea etzi itxiko dute. Hiru tailer antolatu dituzte: Brasilgo perkusioa (batukada), sabel dantza eta komikia. Irailaren 13an ...
Martindozenea Gaztelekuak urrian, azaroan eta abenduan egingo dituen ikastaroetan parte hartu nahi dutenek izena emateko duten epea etzi itxiko dute. Hiru tailer antolatu dituzte: Brasilgo perkusioa (batukada), sabel dantza eta komikia.
Irailaren 13an ireki zuten gaztelekuko udazkeneko ekitaldietan parte hartzeko izena emateko tartea, eta etzi itxiko dute. Hiru tailer izango dira, baina denak ez dira adin guztiei zuzenduak. Horrela, sabel dantza eta batukada 16 eta 25 urte bitartekokoei zuzenduta dago; astearteetan ikasiko dute sabel dantza, eta asteazkenetan Brasilgo perkutsioa, 19:00etatik 20:30era.
Komiki ikastaroa 13 urtetik aurrerakoentzat izango da, eta hiru taldeetan banatuko dute: 13-18 urtekoek ostegunetan egingo dute, 17:30etik 19:00etara; 17 eta 25 urte bitartekoek ostegunetan ere, baina 19:00etatik 20:30era; eta hirugarren ikastaroa sakontzerako izango da, 18-25 urtekoentzako; larunbatetan egingo dute 11:00etatik, 12:30era.
Ikastaroak Martindozenean egingo dituzte eta izena emateko bertara edo Gazte Informazio Bulegora (GIB) joan behar da; bete beharreko orria udal webgunearen (irun.org) edota gaztelekuaren webgunetik jaitsi daiteke (www.irun.org/gazteleku).
Informazio gehiago behar dutenek telefonoz eska dezakete, Gazte Informazio Bulegoan (943 50 54 44) edo Martindozenea Gaztelekuan (943 63 68 26).
