Etxebizitza-eraikina hustu behar izan dute sute baten ondorioz
Sutea izan da etxebizitza-eraikin batean
Etxebizitza-eraikina hustu behar izan zuten atzo sute baten ondorioz. Pasaiako udaltzaingoak eta suhiltzaileek jakinarazi dutenez, eguerdiko hamabiak pasatxo zirenean hasi zen sutea Blas de Lezo kaleko 9 zenbakiko atikoan. Suteak etxebizitzaren geletako bat erabat kiskali zuen. Sutea izan zen etxebizitzaren egitura egurrezkoa da eta Udaltzaingoak eta Ertzaintzak sarbideak itxi eta etxebizitza-eraikina hustu egin zuten badaezpadakoan.
Minutu gutxi behar izan zituzten sutea itzaltzeko, eta eraikinaren egiturak kalterik ez zuela izan ikusita, bizilagunek euren etxeetara itzultzerik izan zuten. Udaltzaingoak huts elektriko batek eragindakoa izan zela uste badu ere, oraindik sutearen gaineko ikerketa lanekin jarraitzen du.
