Oarsoaldeko AEKk 300 ikasle baino gehiagorekin hasi du ikasturtea
Oarsoaldeko AEKko euskaltegiek, pasa den astelehenean hasi zuten ikasturtea eta balorazio ezin hobea egin du Oarsoaldeko AEKren zuzendari Borja Arbelaitzek. “Matrikulazio kanpainangenion herritar eta erakundeei euren beharretara egokitutako eus...
Oarsoaldeko AEKko euskaltegiek, pasa den astelehenean hasi zuten ikasturtea eta balorazio ezin hobea egin du Oarsoaldeko AEKren zuzendari Borja Arbelaitzek. “Matrikulazio kanpainangenion herritar eta erakundeei euren beharretara egokitutako euskalduntzea eskeintzen dugula eta 320 herritarrek hitza hartu eta gurera hurbildu dira euskalduntzera” azaldu du Arbelaitzek.
Guztira, 30 taldetik gora ari dira Intxixu, Oroitzene, Txirrita eta Xenpelar euskaltegietan zuzendariak zehaztu duenez “maila eta ordutegi guztiei erantzuteko moduan gaude, bai txandaka lan egiten dutenenei eta baita lan kontuengatik edo bestelakoengatik aldaketarik izan dezaketen ikasle horiei”.
Talde arruntez gain, urtero bezala, aurten ere autoikaskuntza gelak jarri dituzte martxan Oiartzunen eta Lezon.
Euskaltegirik zabalena
Ikasle kopurua eta ikasturte hasieran sortu dituzten taldeei erreparatuta, AEKkoa “Oarsoaldeko euskaltegirik zabalena” dela esan du Arbelaitzek. Halaber, gogora ekarri du eskualdeko erakundeek AEKrekiko azaldu duten konpromisoa: “hitza eman digute oarsoaldeko eragile eta herritarroi euskalduntze prozesuaren alde egingo dutela,eta AEK eta udalen arteko elkarlana da horren fruitua: egoitzak, hitzarmenak eta talde estrategiko batzuen finantzazioa, besteak beste”.
20 irakasleko lantaldea
Oarsoaldean AEKk dituen lau euskaltegietan sortu diren 30 taldeei erantzuteko, 20 irakasleen lantaldea ariko da. Ikastaroen eta ordutegien gaineko informazioa gehiago AEKren lau euskaltegietan eskura daiteke.
