Hamaika ekitaldi antolatu dituzte gaztetxearen 11. urtebetetzerako
Zabalenea II gaztetxeak 11 urte beteko ditu aurten, eta urtero moduan behar bezala ospatuko dute urteurrena. Horretarako, gaztetxeko kideek hainbat ekitaldi antolatu dituzte herriko gazte guztiei begira, bihartik hasi eta datozen asteetarako. Antolatzaileek Gazte Eguna ere izan dute oinarrian. Izan ere, uztailean egindako ekimen horretan, herriko gazteen arazoez hitz egiten aritu ziren, eta hala nola, sozioekonomia, kultura, aisialdia, errepresioa, hezkuntza, euskara eta komunikazioa izan ziren kezka gehien sortarazten zien gaiak. Ekimen horretatik abiatuta, “gazte asanblada indartu eta zabaltzeko aukera paregabea” ikusi dute Zabalenea IIko kideek, eta horrenbestez, hausnarketa horren bideari jarraituz, hilaren 29rako hainbat ekintza prestatu dituzte. Ekitaldi nagusia goizean izango da, eta gazte eztaibadak egingo dituzte parte hartzaileen artean, uztailean hautemandako arazoez hitz egiteko. Patinekin eta bizikletekin Hori, ordea, ez da ekintza bakarra izango. Etzi, gurpil poteo informatiboa egingo dute Herriko Enparantzatik hasita. Patinak eta bizikletak ateratzeko eskatu diete herritarrei poteoa egiteko. Horrekin batera, datozen asteetarako prestatutako ekintzen berri emango diete (ondoko koadroan daude zehaztuta). Gauean, berriz, musikari egingo diote tartea Sutura, The Fe Kaos eta talde sorpresarekin. Antolatzaileek herriko gazte guztiak animatu dituzte antolatutako ekimen guztietan parte hartzera. Egitaraua Etzi 18:00etan. Gurpil poteo informatiboa Herriko Enparantzatik hasita. Patinak, bizikletak edo dena delakoa eramateko eskatu dute antolatzaileek. 22:30ean. Kontzertuak [...]
Zabalenea II gaztetxeak 11 urte beteko ditu aurten, eta urtero moduan behar bezala ospatuko dute urteurrena. Horretarako, gaztetxeko kideek hainbat ekitaldi antolatu dituzte herriko gazte guztiei begira, bihartik hasi eta datozen asteetarako.
Antolatzaileek Gazte Eguna ere izan dute oinarrian. Izan ere, uztailean egindako ekimen horretan, herriko gazteen arazoez hitz egiten aritu ziren, eta hala nola, sozioekonomia, kultura, aisialdia, errepresioa, hezkuntza, euskara eta komunikazioa izan ziren kezka gehien sortarazten zien gaiak.
Ekimen horretatik abiatuta, “gazte asanblada indartu eta zabaltzeko aukera paregabea” ikusi dute Zabalenea IIko kideek, eta horrenbestez, hausnarketa horren bideari jarraituz, hilaren 29rako hainbat ekintza prestatu dituzte. Ekitaldi nagusia goizean izango da, eta gazte eztaibadak egingo dituzte parte hartzaileen artean, uztailean hautemandako arazoez hitz egiteko.
Patinekin eta bizikletekin
Hori, ordea, ez da ekintza bakarra izango. Etzi, gurpil poteo informatiboa egingo dute Herriko Enparantzatik hasita. Patinak eta bizikletak ateratzeko eskatu diete herritarrei poteoa egiteko. Horrekin batera, datozen asteetarako prestatutako ekintzen berri emango diete (ondoko koadroan daude zehaztuta).
Gauean, berriz, musikari egingo diote tartea Sutura, The Fe Kaos eta talde sorpresarekin.
Antolatzaileek herriko gazte guztiak animatu dituzte antolatutako ekimen guztietan parte hartzera.
Egitaraua
- Etzi
18:00etan. Gurpil poteo informatiboa Herriko Enparantzatik hasita. Patinak, bizikletak edo dena delakoa eramateko eskatu dute antolatzaileek.
22:30ean. Kontzertuak Gaztetxea: Sutura, The Fe Kaos eta talde sorpresa.
- Hilak 15, larunbata
10:00etan. Mendi martxa egingo dute Urdaburura, eta Kutxa paretik irtengo dira. Izena ohiko tokietan eman beharko dute. Hamaiketakoari begira, etxetik ekartzeko deialdia egin dute.
21:00etan. Bertso afari autogestionatua, Landare elkartean. Afarirako txartelak 6 euroan eros daitezke Landare, Sindikato, Gailur eta Arkaitza tabernetan.
- Hilak 29, larunbata
11:00etan. Nola apurtu lotzen gaituzten kateak? gazte eztabaida egingo dute. Sozioekonomia, kultura, aisialdia, errepresio, hezkuntza, euskara eta komunikazioaz ariko dira.
14:00etan. Bazkaria. Txartelak Landare, Sindikato, Gailur eta Arkaitzan salduko dituzte 10 euroan.
18:00etan. Kontzertu ibiltaria izango da, Agirre Lehendakariaren plazatik.
22:00etan. Kontzertuak: Pikutara, Skandalo publiko eta beste talde batzuk.
Ekitaldi guztiak Agirre Lehendakariaren plazan egingo dituzte.
