Hamaika Telebista, 11n
Euskaltelek eta Hamaika Telebistak aurrerapauso berri bat eman dute Hamaika Telebistaren Gipuzkoako emisioa zabaltzeko. Euskalteleko marketineko zuzendariak, Koldo Unanuek, eta Hamaika Telebistako zuzendariak, Iñaki Uriak, adierazi dutenez, dialeko 11. zenbakian ikusi ahal izango dute Gipuzkoako Euskalteleko ikusleek, orain arte Bizkaikoek bezala. Horrela, Euskaltelen Telebista eskaintza aberasten da kanal berri batekin eta Hamaika Telebistaren zabalkundea handitzen da Gipuzkoan, non Euskaltelen sartze maila handia den. Gipuzkoan zazpi barruti egin ziren Lurreko Telebista Digitalaren zabalkunderako. Horietatik hiru zuzenean kudeatzen ditu Hamaika Telebistak: Donostialdea —Donostia, Astigarraga, Urnieta, Hernani, Andoain, Lasarte, Usurbil—; Debabarrena —Ermua, Eibar, Elgoibar, Soraluze, Mendaro, Deba, Mutriku— eta Oarso Bidasoa —Pasaia, Lezo, Oiartzun, Errenteria, Hondarribia, Irun—. Horietan guztietan dialeko 11. zenbakian ikusiko dute Hamaika Telebista aurrerantzean Euskalteleko bezeroek. Debagoienan, Goierrin, Tolosaldean eta Urola-Kostan dialeko 991.ean ikusiko da Hamaika Telebistaren Gipuzkoako emisioa. Hauetan Goienatb, GITB, 28K eta Erlo, Hamaikaren partaideak, ikusten dira dialeko 11. zenbakian. Bizkaian edo Araban ere ikusi ahal izango da Hamaika Telebistaren Gipuzkoako emisioa dialeko 931. zenbakian. Programazioari dagokionez, Hamaika Telebistak bi multzo edo bloke nagusi ditu Gipuzkoan. Batetik, Hamaika Telebistaren programazio orokorra genuke, Bat eta Bat magazina izanik saio nabarmenena. Bestetik, Gipuzkoan propio ekoiztutako programa saila dago: Hamaikakoa, Esatea Libre eta Hurbilean. Astelehenetan, 22:00etan, Hamaikakoa saioa eskaintzen dute. Reala [...]
Euskaltelek eta Hamaika Telebistak aurrerapauso berri bat eman dute Hamaika Telebistaren Gipuzkoako emisioa zabaltzeko. Euskalteleko marketineko zuzendariak, Koldo Unanuek, eta Hamaika Telebistako zuzendariak, Iñaki Uriak, adierazi dutenez, dialeko 11. zenbakian ikusi ahal izango dute Gipuzkoako Euskalteleko ikusleek, orain arte Bizkaikoek bezala.
Koldo Unanue eta Iñaki Uria
Horrela, Euskaltelen Telebista eskaintza aberasten da kanal berri batekin eta Hamaika Telebistaren zabalkundea handitzen da Gipuzkoan, non Euskaltelen sartze maila handia den.
Gipuzkoan zazpi barruti egin ziren Lurreko Telebista Digitalaren zabalkunderako. Horietatik hiru zuzenean kudeatzen ditu Hamaika Telebistak: Donostialdea —Donostia, Astigarraga, Urnieta, Hernani, Andoain, Lasarte, Usurbil—; Debabarrena —Ermua, Eibar, Elgoibar, Soraluze, Mendaro, Deba, Mutriku— eta Oarso Bidasoa —Pasaia, Lezo, Oiartzun, Errenteria, Hondarribia, Irun—.
Horietan guztietan dialeko 11. zenbakian ikusiko dute Hamaika Telebista aurrerantzean Euskalteleko bezeroek.
Debagoienan, Goierrin, Tolosaldean eta Urola-Kostan dialeko 991.ean ikusiko da Hamaika Telebistaren Gipuzkoako emisioa. Hauetan Goienatb, GITB, 28K eta Erlo, Hamaikaren partaideak, ikusten dira dialeko 11. zenbakian.
Bizkaian edo Araban ere ikusi ahal izango da Hamaika Telebistaren Gipuzkoako emisioa dialeko 931. zenbakian.
Programazioari dagokionez, Hamaika Telebistak bi multzo edo bloke nagusi ditu Gipuzkoan. Batetik, Hamaika Telebistaren programazio orokorra genuke, Bat eta Bat magazina izanik saio nabarmenena. Bestetik, Gipuzkoan propio ekoiztutako programa saila dago: Hamaikakoa, Esatea Libre eta Hurbilean.
Astelehenetan, 22:00etan, Hamaikakoa saioa eskaintzen dute. Reala eta Gipuzkoako futbola oinarri duen kirol saioa Inaxio Esnaolak aurkezten du. Talde zuri-urdinaren gaineko euskarazko programa berezitu bakarra da.
Asteazkenean, 22:00etan, berriz, Esatea Libre programa da protagonista. Aktualitate politiko zein sozialaren gaineko mahai-ingurua Itxaso Martinek gidatzen du sasoi berrian. Saioaren formatuak zer esana eman zuen hasieratik eta egun mantentzen du.
Eta ostegunetan, 22:00etan, Hurbilean saioa eskaintzen dute. Euskal Herriko pertsonaia ezagunei egindako hurbileko elkarrizketak jasotzen dituzte programan. Saioa zuzendu eta gidatzeaz sasoi berrian Inaxio Esnaola arduratzen da.
Baliabide teknologikoak
Euskaltelek, Hamaika Telebista proiektuko bazkide izateaz gain, baliabide teknologikoak eskaintzen ditu euskarazko tokiko telebistak Euskal Autonomia Erkidego osora hedatzeko.
Urrats horren bidez, Euskaltelek tratu berezia ematen die euskarazko telebista kanalei. Nabarmendu behar da Euskaltelen Telebista dela plataforma bakarra Premium edukiak, gaikako kanalak eta nazioarteko kanalak gertuko kanalekin (euskarazko tokiko telebistekin, esaterako) bateratzen dituena, eta, gaur egun, kanal horien banatzaile nagusia da Euskal Autonomia Erkidegoan.
