Eider Zabaletaren margolanak Mikelazulon
Hilabetea estreinatzearekin batera erakusketa estreinatuko dute Mikelazulo kultur elkartean. Oraingoan etxeko artista baten margolanak ikusteko aukera izango da: Eider Zabaleta oiartzuarrarenak. Hain zuzen, Mikelazulo izango da lehen tokia Zabaletak be...
Hilabetea estreinatzearekin batera erakusketa estreinatuko dute Mikelazulo kultur elkartean. Oraingoan etxeko artista baten margolanak ikusteko aukera izango da: Eider Zabaleta oiartzuarrarenak.
Hain zuzen, Mikelazulo izango da lehen tokia Zabaletak bere lanak aurkezten dituena. Hilaren 30era arte izango da aukera erakusketa bisitatzeko.
Oiartzuarrak txikitatik izan du gustuko margotzea, eta hainbat pintura lehiaketetan parte hartu du sariak ere eramanez. Hala ere, pintura ez du zaletasun bakarra kantatu ere egiten baitu. Gorka Zabaleta anaia eta kantautorearen kontzertuetan ere parte hartu izan du abestuz.
Denbora librean margotu
Kimikako ikasketak egin ditu Zabaletak, eta denbora librea erabiltzen du margotzeaz gain kantatzeko.
Erakusketa ikusi nahi duenak asteartetik igandera pasatu beharko du Mikelazulotik, arratsaldeko lauetatik aurrera. Astelehenetan jaieguna dutelako itxita egoten da.
