Oraindik EATan izena emateko aukera daukate zortzi urtetik gorakoek
Pasa den irailaren 27an hasi zuen Errenteriako Atletismo Taldeak (EAT) 2011-2012 denboraldia. Aurretik, irailaren 23an egin zuten aurkezpena. Hala ere, oraindik badago aukera taldea handitzeko. Beraz, EATi batzeko asmoa duten 8 urtetik gorako edozein h...
Pasa den irailaren 27an hasi zuen Errenteriako Atletismo Taldeak (EAT) 2011-2012 denboraldia. Aurretik, irailaren 23an egin zuten aurkezpena. Hala ere, oraindik badago aukera taldea handitzeko. Beraz, EATi batzeko asmoa duten 8 urtetik gorako edozein herritarrek izena eman dezake datozen egunetan.
Horretarako, astearte edo ostiraletan Beraungo Mikel Odriozola estadiotik pasatu beharko dute, 17:30etik 19:00etara. Halaber, 12 urtetik gorakoek egun horietan eta ostegunetan ere (ordutegi berean) izango dute aukera izena emateko.
EAT Facebook eta Tuentin
Zalantzarik izanez gero, hainbat bide daude EATekin harremanetan jartzeko. Horietako bat dira sare sozialak. Bilatzailean errenteriako atletismo eskola jarrita Facebooken nahiz Tuentin aurkitu daiteke. Helbide elektronikoa da beste aukera bat, errenteriaatletismoeskola[abildua]gmail.com-era idatzita.
