Begirale ikastaroa antolatu du udalak
Pasaiako udalak aisialdiko begirale ikastaroa antolatu du herriko 18 urtetik gorako gazteei begira. Esan dutenez, bi behar nagusiri erantzuteko antolatu dute ikastaroa: “Batetik, pasaiako elkarteetan dagoen begirale beharrari aurre egiteko, bai dauden begiraleen erreleboa egiteko, eta baita haur/nerabe gehiagori erantzun ahal izateko, eta bestetik, begirale euskaldunen beharrarari erantzuteko” Modu horretan, “haur eta nerabeen hizkuntza eskubideak bermatu” nahi ditu Udalak. Ikastaroa Urtxintxa eskolak emango du, eta behin ikasturtea amaituta ikasleek Haur eta Gazteen Aisialdirako Begirale titulua lortuko dute, Eusko Jaurlaritzak homologatutakoa. Ikastaroan izena ematen dutenek 200 ordu teoriko eman beharko dituzte eta 120 ordu praktiko. Horrez gain, egindakoaren memoria ere landu beharko dute. Ikastaroa Trintxerpeko udal euskaltegian izango da, urritik ekainera bitartean. Larunbatetan izango da eta zortzi orduko saioak egingo dituzte, lau goizez eta lau arratsaldez. Hilabetean behin aste buru bat libratuko litzateke. Zubiak, gabonetako oporrak, aste santuan…ez da saiorik egingo. Ikastaroan izena emateko ekaina aurretik 18 urte izatea beharrezkoa da. Ikastaroa euskaraz izango da eta ondorioz, hizkuntza gaitasun minimo bat eskatuko da ikastaroa egiteko. Gaitasun minimoa duten edo ez zalantza duten gazteei gaitasuna frogatzeko elkarrizketa egingo zaie Euskara Zerbitzuan. Herriko behar zehatzei erantzuteko tartea 200 ordu teorikoen barruan 40 ordu eskolak berak bere erara antolatzeko aukera du. 40 ordu horietako [...]
Pasaiako udalak aisialdiko begirale ikastaroa antolatu du herriko 18 urtetik gorako gazteei begira. Esan dutenez, bi behar nagusiri erantzuteko antolatu dute ikastaroa: “Batetik, pasaiako elkarteetan dagoen begirale beharrari aurre egiteko, bai dauden begiraleen erreleboa egiteko, eta baita haur/nerabe gehiagori erantzun ahal izateko, eta bestetik, begirale euskaldunen beharrarari erantzuteko” Modu horretan, “haur eta nerabeen hizkuntza eskubideak bermatu” nahi ditu Udalak.
Ikastaroa Urtxintxa eskolak emango du, eta behin ikasturtea amaituta ikasleek Haur eta Gazteen Aisialdirako Begirale titulua lortuko dute, Eusko Jaurlaritzak homologatutakoa.
Ikastaroan izena ematen dutenek 200 ordu teoriko eman beharko dituzte eta 120 ordu praktiko. Horrez gain, egindakoaren memoria ere landu beharko dute.
Ikastaroa Trintxerpeko udal euskaltegian izango da, urritik ekainera bitartean. Larunbatetan izango da eta zortzi orduko saioak egingo dituzte, lau goizez eta lau arratsaldez. Hilabetean behin aste buru bat libratuko litzateke. Zubiak, gabonetako oporrak, aste santuan…ez da saiorik egingo.
Ikastaroan izena emateko ekaina aurretik 18 urte izatea beharrezkoa da. Ikastaroa euskaraz izango da eta ondorioz,
hizkuntza gaitasun minimo bat eskatuko da ikastaroa egiteko. Gaitasun minimoa duten edo ez zalantza duten gazteei gaitasuna frogatzeko elkarrizketa egingo zaie Euskara Zerbitzuan.
Herriko behar zehatzei erantzuteko tartea
200 ordu teorikoen barruan 40 ordu eskolak berak bere erara antolatzeko aukera du. 40 ordu horietako batzuk, Pasaiako udalak baliatuko ditu bertako hainbat beharri erantzuteko: martxan duen haur eta nerabeen eskubideak bermatzeko udal plana aurkezteko, tratu onaren gaia lantzeko eman ohi den ikastarotxoa txertatzeko eta hizkuntza beharrak eta estrategien lanketa osatzeko edo indartzeko.
Ikastaroa egiten dutenek praktikak egin ahal izango dituzte, baina, praktikak egiten hasteko ikastaroaren erdia gutxienez eginda izatea eskatuko dute. Praktikak Pasaiako elkarteren batean edo udalak dituen zerbitzuetan egitea beharrezkoa izango da beka sistemaz baliatu nahi duenarentzat. Praktikak ez dira zertan jarduera bakar batean gauzatu behar. Ikaslea jarduera batean arituz ezarritako ordu minimora iristen ez bada, bestelako jarduera batekin osatu beharko ditu praktika orduak.
Praktikaldiarekin batera memoria bat aurkeztu beharko dute ikastaroan parte hartzen dutenek.
Finantzazioa
Pasaitarrentzat eta pasaitar ez direnentzat baina pasaiko elkarteren bateko kide badira ikastaroa doainik izango da. Hala ere, izena ematearekin batera 100 euro ordaindu beharko dituzte aurrerapen moduan, ondoren, abenduan beste 100 euro. Ekainan, hala ere, asistentzia eta aprobetxamendua betetzen badira eta praktikak Pasaiako jardueraren batean egin badira, 200 euroak itzuliko dizkiete ikasleari. Titulazioa eskuratzeko eta beka sistemaz baliatzeko ezingo da 24 ordu baino gehiagoko hutsegiterik izan.
Izena emateko epea, urriaren 3an zabalduko dute eta 14a bitartean izango da zabalik. Interesdunek pasaia.net-en topa dezakete izena emateko inprimakia. Ikastaroa, urriaren 16an hasiko da.
Harremanetarako ondokoetara jo daiteke: 943 004349 telefono zenbakira edota pasaiakoelkarteak@pasaia.net helbidera.