Gizon bat atxilotu dute loteria saltzaile bati iruzur egiteagatik

Bigarren aldiz atxilotu dute gizon bat loteria saltzaile bati iruzur egin diolakoan. Iaz Errenteria-Oreretan bezala, aste honetan Irunen atxilotu dute. Herrizaingo Sailak jakinarazi duenez, loteria saltzailea Ertzaintzarekin jarri zen harremanetan esan...

Bigarren aldiz atxilotu dute gizon bat loteria saltzaile bati iruzur egin diolakoan. Iaz Errenteria-Oreretan bezala, aste honetan Irunen atxilotu dute. Herrizaingo Sailak jakinarazi duenez, loteria saltzailea Ertzaintzarekin jarri zen harremanetan esanez ustezko iruzurgilearen telefono deia jaso zuela, iaz Errenteria-Oreretan egin zuen tratu bera eskainiz. Alegia, Gabonetako loteria eskatu zion herriko taberna batean saltzeko asmoz, eta behin dezimoak kobratutakoan, ordainduko ziola esan zion.

37 urteko gizon bat izan zela azaldu zuen loteria saltzaileak, eta arratsalde horren bertan, loteria dendaren inguruan atxilotu zuten ustezko iruzurgilea.

Ertzaintza jarduteko modu bera izan duten antzeko kasuak ikertzen ari da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.