Minutu bateko isilunea egingo dute bihar alardean zauritu eta gaur hil den emakumearengatik
Hilaren 8ko Alardean zauritu eta gaur goizean hil den emakumearengatik dolumina agertzeko minutu bateko isilunea egingo dute bihar arratsaldean Hondarribiko Jostaldi pilotalekuan egingo den pilota jaialdian.
Hilaren 8ko Alardean zauritu eta gaur goizean hil den emakumearengatik dolumina agertzeko minutu bateko isilunea egingo dute bihar arratsaldean Hondarribiko Jostaldi pilotalekuan egingo den pilota jaialdian. Horrez gain, udaletxeko banderak jaitsi dituzte eta biharko su artifizialak bertan behera geratu dira. Erabaki horiek hartu ditu gaur arratsaldean udaleko bozeramaleen batzordeak.
Hilaren 8ko arratsaldeko Alardea etxeko balkoitik ikusten ari zela eskopeta tiro batek zauritu zuen emakumea, eta gaur goizean hil da. Ertzaintza gertatutakoa ikertzen ari da. Goizean alkatea Alardeko aginatriekin batzartu da baina arratsaldera arte ez dute egin bozeramaleen bilerarik. Hori baino lehen, eguerdian jai eremuan txosnak dituzten elkarteek bilera egin dute, eta hainbat geldialdi egitea hitzartu dute.
