Santakrutzetan herritarrek duten parte hartzea nabarmendu du udalak
Hainbat hilabetez prestatzen aritu ondoren, asteartean hasiko dira herriko bigarren jaiak: santakrutzak. Asteartean hasiko dira jaiak, ohi bezala, alkate txikiek pregoia irakurri eta txupina bota ondoren. Ainhoa Zabalo Lezoko alkateak eta Mikel Arruti zinegotziak santakrutzak aurkeztu dituzte gaur. “Legegintzaldi honetan jai batzordeak funtzionatzen jarraitzea da helburua”, esan du Arrutik. Horrela, batzordean parte hartzen duten lezoarrak zoriondu ditu Arrutik: “Bertako kideak dira benetan zoriondu behar direnak, egindako lanagatik. Santakrutzak lezoar guztion kontua dira, eta horretarako beti jai batzordea zabalduta dago”. Santakrutzetako hiru ekitaldi nabarmendu ditu Arrutik: danborrada, egun handian egiten diren bazkariak eta Baserritarren Eguna. Horrela, Santa Krutz bezperako danborradan lau elkartek (Ixkulinek, Altzatek, Tiñeluk eta Allerruk) 400 lagun baino gehiago biltzen dituela azpimarratu du Kultura zinegotziak: “Arrakasta handia du danborradak, eta, gainera, oso giro polita sortzen du”. Aurten lehenengo aldiz ospatuko dute Tartekoen Bazkaria, hilaren 14an. Egun horretan ere Arrantzaleen Bazkaria egingo dute. “Herritar talde batek uste du Arrantzaleen bazkaria gazteentzako dela, eta tartekoena antolatzea erabaki du”, zehaztu du Arrutik. Bere ustez, txalogarria da herritarrek horrelako ekitaldiak antolatzea. Guztira 200na lagun inguru bilduko dira bazkari bakoitzean. “Egun horretan ere, bezperan bezala, giro ederra sortuko dute herriko kaleetan, eta eskertzekoa da hori”, esan du. Gainera, Lezon lan egin ez arren egun [...]
Hainbat hilabetez prestatzen aritu ondoren, asteartean hasiko dira herriko bigarren jaiak: santakrutzak. Asteartean hasiko dira jaiak, ohi bezala, alkate txikiek pregoia irakurri eta txupina bota ondoren.
Ainhoa Zabalo Lezoko alkateak eta Mikel Arruti zinegotziak santakrutzak aurkeztu dituzte gaur. “Legegintzaldi honetan jai batzordeak funtzionatzen jarraitzea da helburua”, esan du Arrutik. Horrela, batzordean parte hartzen duten lezoarrak zoriondu ditu Arrutik: “Bertako kideak dira benetan zoriondu behar direnak, egindako lanagatik. Santakrutzak lezoar guztion kontua dira, eta horretarako beti jai batzordea zabalduta dago”.
Santakrutzetako hiru ekitaldi nabarmendu ditu Arrutik: danborrada, egun handian egiten diren bazkariak eta Baserritarren Eguna. Horrela, Santa Krutz bezperako danborradan lau elkartek (Ixkulinek, Altzatek, Tiñeluk eta Allerruk) 400 lagun baino gehiago biltzen dituela azpimarratu du Kultura zinegotziak: “Arrakasta handia du danborradak, eta, gainera, oso giro polita sortzen du”.
Aurten lehenengo aldiz ospatuko dute Tartekoen Bazkaria, hilaren 14an. Egun horretan ere Arrantzaleen Bazkaria egingo dute. “Herritar talde batek uste du Arrantzaleen bazkaria gazteentzako dela, eta tartekoena antolatzea erabaki du”, zehaztu du Arrutik. Bere ustez, txalogarria da herritarrek horrelako ekitaldiak antolatzea. Guztira 200na lagun inguru bilduko dira bazkari bakoitzean. “Egun horretan ere, bezperan bezala, giro ederra sortuko dute herriko kaleetan, eta eskertzekoa da hori”, esan du. Gainera, Lezon lan egin ez arren egun horretan jai hartzen duten gero eta herritar gehiago dagoela esan dute udaleko ordezkariek. Baserritarren Egunak herrian tradizio handia duela ere aipatu du.
“Adin guztiei zuzenduta”
Jai batzordeak adin guztiei zuzendutako egitaraua prestatu duela ere goraipatu du Arrutik, “hori horrela izaten saiatzen direlako”. Horrela, gazteentzako ekitaldien artean gaur zortziko kontzertua nabarmendu du: “Ze Esatek taldeak joko du eta uste dugu kontzertu garrantzitsua dela, orain modan dagoen taldea baita”.
Bestalde, aurreko legegintzaldian egin zuten bezala, aurtengo programan ere jaien aurrekontua sartu dute, herritarrek ikus dezaten gastua zenbatekoa den. Udaleko ordezkariek lezoar guztiak animatu dituzte jaietan parte hartzera.
