Harresiko mendebaldeko hormako lanak abuztuan bukatuko dituzte
Harresiko mendebaldeko horma konpontzeko lanak abuztuko lehenengo astean bukatuko dituzte. Obrak otsailean hasi zituzten 703.000 euroko aurrekontuarekin eta iragan ostiralean bisita egin zuten herritarrekin. Bisitan, Aitor Kerejeta, alkatea, Alberto Ustarroz eta Manuel Iñiguez, proiektuaren arkitektoak,TEUSA enpresaren arduradunak, eta Miren Ayerbe, Udal arkeologoa izan ziren. Hondarribiko harresiko mendebaldeko hormarako proiektatutako lanak harresiaren kanpoaldean, barru aldean eta San Nikolas atean egiten ari dira. Obra hauek lehenengo urratsa dira, izan ere, aurrerago fatxada barrena eta Leiba kalea aldea ere egingo dituzte, eta horrez gain, mendebaldeko hormaren gainaldeko pasabidea. Harresiko mendebaldeko horma oso egoera txarrean zegoen: gain aldea erabat hondatua zegoen, eta harriak erortzeko arrisku bizian. Egoera honen eragileak gudak, espoliazioa, eta denboraren ondoriozko higadura izan dira. Ura ere iragazi egiten zen harrien artetik, eta horrek narriadura areagotu egin du, artesiak sortu baitira. Hurrengo lana kanpoko aldeko artesi horiek guztiak konpontzea izango da. Proiektu honekin, harresiaren gainaldea berreskuratzea proposatu dute, ezinbestekoa baita sendotzea, gainaldeko pasabideko segurtasuna bermatzeko, eta ondorengo belaunaldientzat kontserbatzeko. Sendotze materiala ez ezik sendotze formala ere bada: Hondarribiko berpizkunde-barroko garaiko harresiaren irudia berreskuratuko baitute. Zentzu horretan, XVIII. mendeko sei kainoi-zuloak zati batean berreraikita, Hondarribiko gotorlekuaren berezko irudia berreskuratuko dute. Hondarribiko berezko gotorlekuaren irudia berreskuratzeko ezinbestekoa da San Nikolas atea berreskuratzea, mendebaldeko hormaren [...]
Harresiko mendebaldeko horma konpontzeko lanak abuztuko lehenengo astean bukatuko dituzte. Obrak otsailean hasi zituzten 703.000 euroko aurrekontuarekin eta iragan ostiralean bisita egin zuten herritarrekin. Bisitan, Aitor Kerejeta, alkatea, Alberto Ustarroz eta Manuel Iñiguez, proiektuaren arkitektoak,TEUSA enpresaren arduradunak, eta Miren Ayerbe, Udal arkeologoa izan ziren.
Hondarribiko harresiko mendebaldeko hormarako proiektatutako lanak harresiaren kanpoaldean, barru aldean eta San Nikolas atean egiten ari dira. Obra hauek lehenengo urratsa dira, izan ere, aurrerago fatxada barrena eta Leiba kalea aldea ere egingo dituzte, eta horrez gain, mendebaldeko hormaren gainaldeko pasabidea.
Harresiko mendebaldeko horma oso egoera txarrean zegoen: gain aldea erabat hondatua zegoen, eta harriak erortzeko arrisku bizian. Egoera honen eragileak gudak, espoliazioa, eta denboraren ondoriozko higadura izan dira. Ura ere iragazi egiten zen harrien artetik, eta horrek narriadura areagotu egin du, artesiak sortu baitira. Hurrengo lana kanpoko aldeko artesi horiek guztiak konpontzea izango da.
Proiektu honekin, harresiaren gainaldea berreskuratzea proposatu dute, ezinbestekoa baita sendotzea, gainaldeko pasabideko segurtasuna bermatzeko, eta ondorengo belaunaldientzat kontserbatzeko. Sendotze materiala ez ezik sendotze formala ere bada: Hondarribiko berpizkunde-barroko garaiko harresiaren irudia berreskuratuko baitute. Zentzu horretan, XVIII. mendeko sei kainoi-zuloak zati batean berreraikita, Hondarribiko gotorlekuaren berezko irudia berreskuratuko dute. Hondarribiko berezko gotorlekuaren irudia berreskuratzeko ezinbestekoa da San Nikolas atea berreskuratzea, mendebaldeko hormaren osagarri arkitektoniko funtsezkoa baita.
