Ostiralean hasiko dira Musikirun maketa lehiaketako kontzertuak
Heldu den ostiralean, hilaren 22an, hasiko dira Irungo Udalak eta Phantom Studios disketxeak antolatu duten Musikirun I. Maketa Lehiaketako azken faserako sailkatu diren taldeen kontzertuak. Abuztuaren 20a bitartean ostiral eta larunbatero emanaldiak egongo dira Street End tabernan. Abuztuaren 27n finala izango da, Urdanibia plazan. Bertan lau talde arituko dira, hiru epaimahaiak aukeratutakoak eta beste bat publikoaren bozka gehien jasoko dituena. Kontzertuak jasoko dituen Street End taberna aukeratu dute Musikiruneko azken faseko nondik norakoak azaltzeko. Cristina Laborda Gazteria ordezkariaren ustez honelako ekimenak beharrezkoak dira. “Ondo dago gazteei musika entsaiatzeko lekuak lortzen laguntzea, baina beren musika herritarren aurrean erakusteko baliabideak sortzea ere ezinbestekoa da”, esan du. Iñaki Abuinek, Phantom Studioseko ordezkariak, aukeraketa zaila izan dela onartu du. “Azkenean 19 talde geratu dira, baina pena handia eman digu batzuk kanpoan utzi behar izatea”. Estilo guztietako taldeak aurkeztu direla esan du Abuinek. “Lehiaketa irekia egin genuen, estilo guztiei eta 18-30 urte bitarteko gazteei irekia. Ez genuen mugarik jarri nahi eta mota guztietako grabaketak jaso ditugu, 30 inguru: Kantautoreak, punk rock, heavy, hip hop… denetik dago. Guk kalitateari eta konposizioari begiratu diogu, eta baita ere maketa bat grabatzeko duten adinagatik aukera gutxien duten taldeei ere”. Entzun eta bozkatu, sarean Emanaldien zabaltzearekin batera hilaren 22tik aurrera prestatu [...]
Heldu den ostiralean, hilaren 22an, hasiko dira Irungo Udalak eta Phantom Studios disketxeak antolatu duten Musikirun I. Maketa Lehiaketako azken faserako sailkatu diren taldeen kontzertuak. Abuztuaren 20a bitartean ostiral eta larunbatero emanaldiak egongo dira Street End tabernan. Abuztuaren 27n finala izango da, Urdanibia plazan. Bertan lau talde arituko dira, hiru epaimahaiak aukeratutakoak eta beste bat publikoaren bozka gehien jasoko dituena.
Kontzertuak jasoko dituen Street End taberna aukeratu dute Musikiruneko azken faseko nondik norakoak azaltzeko. Cristina Laborda Gazteria ordezkariaren ustez honelako ekimenak beharrezkoak dira. “Ondo dago gazteei musika entsaiatzeko lekuak lortzen laguntzea, baina beren musika herritarren aurrean erakusteko baliabideak sortzea ere ezinbestekoa da”, esan du.
Iñaki Abuinek, Phantom Studioseko ordezkariak, aukeraketa zaila izan dela onartu du. “Azkenean 19 talde geratu dira, baina pena handia eman digu batzuk kanpoan utzi behar izatea”. Estilo guztietako taldeak aurkeztu direla esan du Abuinek. “Lehiaketa irekia egin genuen, estilo guztiei eta 18-30 urte bitarteko gazteei irekia. Ez genuen mugarik jarri nahi eta mota guztietako grabaketak jaso ditugu, 30 inguru: Kantautoreak, punk rock, heavy, hip hop… denetik dago. Guk kalitateari eta konposizioari begiratu diogu, eta baita ere maketa bat grabatzeko duten adinagatik aukera gutxien duten taldeei ere”.
