Xake txapelketa antolatu du iganderako Kultur Sustapen Elkarteak 21.enez
Kultur Sustapen taldearen eskutik 21.enez Errenteria Hiria Taldekako Xake Txapelketa jokatuko dute igandean. Beste behin, gainera, Gerardo Elkano taldeko bazkide izandakoa eta Gipuzkoako xakean maila ona eman zuen jokalaria omenduko dute Kultur Sustape...
Kultur Sustapen taldearen eskutik 21.enez Errenteria Hiria Taldekako Xake Txapelketa jokatuko dute igandean. Beste behin, gainera, Gerardo Elkano taldeko bazkide izandakoa eta Gipuzkoako xakean maila ona eman zuen jokalaria omenduko dute Kultur Sustapen taldekoek. Merkatuzarren jokatuko dute txapelketa, Jose Luis Caso aretoan, 10:00etatik aurrera.
Kultur Sustapen taldeak hamabi talde gonbidatu ditu lehiara; hala nola, Groseko talde donostiarra eta Batalla talde irundarra, aurreko ekitaldietan txapeldun izandakoak. Horrekin batera, iazko txapeldun izandako Kultur Sustapen taldea eta Orvinako talde nafarra nabarmendu daitezke.
Partida azkarrak
Antolatzaileek zehaztu dutenez, partida azkarrak jokatuko dituzte, horretara bultzatzen baitu lehiak taldeka izateak. Partida osorako jokalari bakoitzak bost minutu izango ditu. Lau jokalarik osatuko dute talde bakoitza, eta taldearen emaitza orokorra jokalari bakoitzaren emaitzaren batuketa izango da.
13:00ak aldera hasiko da sari banaketa. Lehen bost taldeentzako eta txapelketak jokalari onenarentzako izango dira.
