Gazte1+ez! Eguna egingo dute, epaituko dituzten gazteen alde
Oarsoaldeko Gazte1+ez! Eguna hilaren 16an (datorren larunbatean) egingo dute Oiartzunen, hilaren 18tik aurrera epaituko dituzte gazteei sostengua eta elkartasuna adierazteko. Eguna, herrien arteko herri kirolekin hasiko da, 11:00etan. Taldekideek gazte...
Oarsoaldeko Gazte1+ez! Eguna hilaren 16an (datorren larunbatean) egingo dute Oiartzunen, hilaren 18tik aurrera epaituko dituzte gazteei sostengua eta elkartasuna adierazteko.
Eguna, herrien arteko herri kirolekin hasiko da, 11:00etan. Taldekideek gazte1+ez! leloarekin kamiseta eramango dute eta koloretako zapiek bereiziko dituzte. Parte hartu nahi duenak bere herriko ohiko lekuetan galdetu behar du. Herri kirolen ostean, bazkari goxoa izango da plazan, 14:00etan, 12 euroren truke.Txartelak ohiko lekuetan daude.
Bazkaldu ondoren, poteoa izango da herrian barrena, eta eguna bukatzeko, kontzertuak Kataxulo Gaztetxian, 22:00etan: besteak beste, Ekintza zuzena, Pixontzis eta Estricalla igoko dira taula gainera.
Bestalde, egunean zehar txozna egongo da herriko plazan. Antolatzaileek animatzeko deia egin diete herritarrei: “Bertaratzera animatzen zaituztegu, elkartasunez gozatzeko”.
