Eko Bira kontsumo jasangarriaren azoka Errenterian izango da etzi
Ibilbidea Donostian hasi ondoren, Eko Birak Errenteria-Orereta bisitatuko du bihar egun osoz. Ingurumenarekiko kontzientziazioa helburu duen azoka horrek arlo horretan lan egiten duten talde eta norbanakoak bilduko ditu, eta hainbat erakustoki izango dira: nekazari eta artisau txikiak, bigarren eskuko produktuak, energia berriztagarrietan lan egiten duten enpresak… Zumardian jarriko dituzte postuak, eta goizez, 10:30etik 13:30era eta arratsaldez, 17:00etatik 20:00etara egongo dira zabalik. Kutxa eta Emaus dabiltza Eko Biraren atzean, eta Gipuzkoako bederatzi herri bisitatzea espero da; horietako bat da Errenteria-Orereta. Azokaren bidez gizartea ingurumen gaietan kontzientziatzea nahi dute, eta baita herritarrei produktu ekologikoak kontsumitzeko aukera ematea ere. Azoka bakoitzak postu ezberdinak egongo dira, eta herrian egingo dutenaren kasuan Garbitek enpresa ezagutzeko aukera izango da. Energia berriztagarrien arloan ibiltzen den enpresa horrek energia mota hori darabilten jostailuak jarriko ditu haurren eskura. Eko Biran faltako ez den beste enpresa bat Pasaiako Itsasgela izango da. Itsas ondarea leheneratzea helburu du. Donostian egon ziren beste enpresa batzuk izango dira Usurbilgo Lanbide Eskola eta Ennera. Biek ere energia berriztagarriak lantzen dituzte. Famatuen objektuen enkantea Erakustokiekin batera, hainbat pertsona ezagunek emandako objektuak jarriko dira enkantean. Eskaintzak egiten hasi eta guztietan altuena egiten duen bisitariak eramango du etxera. Horrez gain, postuak ikusten ibili eta gero taberna ekologikoan atseden [...]
Ibilbidea Donostian hasi ondoren, Eko Birak Errenteria-Orereta bisitatuko du bihar egun osoz. Ingurumenarekiko kontzientziazioa helburu duen azoka horrek arlo horretan lan egiten duten talde eta norbanakoak bilduko ditu, eta hainbat erakustoki izango dira: nekazari eta artisau txikiak, bigarren eskuko produktuak, energia berriztagarrietan lan egiten duten enpresak…
Zumardian jarriko dituzte postuak, eta goizez, 10:30etik 13:30era eta arratsaldez, 17:00etatik 20:00etara egongo dira zabalik.
Kutxa eta Emaus dabiltza Eko Biraren atzean, eta Gipuzkoako bederatzi herri bisitatzea espero da; horietako bat da Errenteria-Orereta. Azokaren bidez gizartea ingurumen gaietan kontzientziatzea nahi dute, eta baita herritarrei produktu ekologikoak kontsumitzeko aukera ematea ere.
Azoka bakoitzak postu ezberdinak egongo dira, eta herrian egingo dutenaren kasuan Garbitek enpresa ezagutzeko aukera izango da. Energia berriztagarrien arloan ibiltzen den enpresa horrek energia mota hori darabilten jostailuak jarriko ditu haurren eskura.
Eko Biran faltako ez den beste enpresa bat Pasaiako Itsasgela izango da. Itsas ondarea leheneratzea helburu du. Donostian egon ziren beste enpresa batzuk izango dira Usurbilgo Lanbide Eskola eta Ennera. Biek ere energia berriztagarriak lantzen dituzte.
Famatuen objektuen enkantea
Erakustokiekin batera, hainbat pertsona ezagunek emandako objektuak jarriko dira enkantean. Eskaintzak egiten hasi eta guztietan altuena egiten duen bisitariak eramango du etxera.
Horrez gain, postuak ikusten ibili eta gero taberna ekologikoan atseden hartu ahal izango da azokaren ordutegi berean.
